მალშტრემ

• სათაური: მალშტრემ
• ISBN კოდი:
• ავტორი: გრიგოლ რობაქიძე
• გამომცემელი: iBooks
• გამოცემის თარიღი: 2016
• ენა: ქართული
• გვერდები: 53
• კატეგორია: წიგნები
• ნახვები: 2505
• რეიტინგი: 5.0

ფენომენოლოგია;

 

ამორ ფატი;

 

კენტავრები;

 

კეთროვანთა დედოფალი;

 

დადაისტების მოედანი;

 

ანთებული საკირე;

 

 

სურათი პირველი
სურათი მეორე
სურათი მესამე
სურათი მეოთხე
სურათი მეხუთე
სურათი მეექვსე
 
ფანტასმაგორია
                                             
ექვსი სურათი:
                                                          
ფენომენოლოგია
ამორ ფატი
კენტავრები
კეთროვანთა დედოფალი
დადაისტების მოედანი
ანთებული საკირე
 
          რეჟისორ
კოტე მარჯანიშვილს
 
სურათი პირველი.
ფენომენოლოგია.
მომქმედნი:
 
რაულ როკფელერ - მილიარდერი.
არონ ფინკელშტეინ - ბანკირი.
გელფერიხ - ფაბრიკანტი.
უცნობი.
მორელლა - მარჩიელი.
ევნო აზეფულ - პროვოკატორი.
ალბერტ აინშტაინ - მოჩვენება.
იმმანუელ კანტ - მოჩვენება.
მეპაპიროსენი.
მეგაზეთენი.
მოთამაშენი - ავანტიურისტები.
მონდენი და დემიმონდენი.
 
ევროპის კუთხე, საზაფხულო კურორტი. დიდი როტონდა. პავილიონები. მარჯვნით - კაზინო. სიღრმეში ესტრადა. წინ: მარმარის მაგიდები. მარცხნით: ცნობათა ბიურო. იქვე: ტელეფონი. ტელეფონთან: შვეიცარი სპლინმორეული. მაგიდებს უსხედან: ქალები-კაცები-სხვადასხვა რასის - სხვადასხვა ქვეყნის. კაზინოდან ისმის ხმაური: აზარტით თამაშია. მარჯვნით - ამაღლებით ჩნდება ხოლმე კანტის თავი დიდს ობობას ქსელში. მარცხნით - ამაღლებით ჩნდება ხოლმე აინშტაინის თავი ასტრონომიულ აპპარატებში. შუაში ზის არონ ფინკელშტეინ. მასთან იქით-აქეთ ორი კოკოტი. მსახურნი: პატარა ზანგები. რეკს ტელეფონი. შვეიცარი უსმენს.
შვეიცარი. ალლო! გისმენთ. ვინ გნებავთ? კარგი.
                 (მოტრიალდება)
                   ჰერრ არონ ფილკენშტეინ! თქვენ გიხმობენ.
            (ფილკენშტეინ წამოხტება. დაბალი. მელოტი. დიდი მუცელი. მოკლე ფეხები: რამოდენიმეთ გაღუნული. ცხვირი დიდი და ჩამოშვებული. ყურები სახისაკენ მოცქვეტილი. თვალები ჭროღა და ცოცხალი. ცხარი და ფუსფუსა. მიდის ტელეფონთან).
ფინკელშტეინ. ჰა... როზა! შენ ხარ?!
                  კარგად... ხუთი გირვანქა მომაკლდა...
                  ფეხები?! მარცხენა მუხლში კიდევ გარჩა ქარი...
                  ნაწლევები?! დამშვიდებულია...
                 ...