პეტერბურგული მოთხრობები

• სათაური: პეტერბურგული მოთხრობები
• ISBN კოდი:
• ავტორი: ნიკოლაი გოგოლი
• გამომცემელი: iBooks
• გამოცემის თარიღი: 2017
• ენა: ქართული
• გვერდები: 61
• კატეგორია: წიგნები
• ნახვები: 2379
• რეიტინგი: 5.0

ნევის პროსპექტი;

 

შინელი;

 

შეშლილის წერილები;

 

 

ნიკოლაი გოგოლი - პეტერბურგული მოთხრობები
Николай Гоголь – Петербургские Повести
 
ქვეყნდება შპს iBooks-ის მიერ
ვაჟა-ფშაველას მე-3 კვ., მე-7 კ.
0186 თბილისი, საქართველო
www. iBooks.ge
 
ქართული თარგმანი ეკუთვნის ივანე ახალშენიშვილს.
 
iBooks© 2017 ყველა უფლება დაცულია.
 
მოცემული პუბლიკაციის არც ერთი ნაწილი არ შეიძლება იქნას რეპროდუცირებული, გავრცელებული ან გადაცემული ნებისმიერი ფორმითა და ნებისმიერი საშუალებით, მათ შორის ელექტრონული, მექანიკური, კოპირების, სკანირების, ჩაწერის ან რაიმე სხვა გზით გამომცემლის წინასწარი წერილობითი თანხმობის გარეშე. გამოქვეყნების უფლების შესახებ გთხოვთ მოგვმართოთ შემდეგ მისამართზე: info@iBooks.ge
 
 
სარჩევი
 
ნევის პროსპექტი
შინელი
შეშლილის წერილები
 
ნევის პროსპექტი
 
ნევის პროსპექტზე უკეთესი, ყოველ შემთხვევაში პეტერბურგში, არაფერია. პეტერბურგისათვის იგი ყველაფერს წარმოადგენს. რით გსურთ, რომ არ ბრწყინავდეს ჩვენი დედაქალაქის ეს ულამაზესი ქუჩა? მე ვიცი, რომ არცერთი აქ მცხოვრები, უჩინო თუ ჩინოსანი, არ გასცვლის ნევის პროსპექტს სხვა დანარჩენ სიკეთეზე. არა მარტო ის, ვისაც დაბადებიდან ოცდახუთი წელი შესრულებია, აქვს მშვენიერი ულვაშები და განსაცვიფრებლად შეკერილი სერთუკი, არამედ ისიც კი, ვისაც ნიკაპზე უკვე ჭაღარა შეჰპარვია და თავი ვერცხლის ლანგარივით მოპრიალებული აქვს, - აღტაცებულია ნევის პროსპექტით. ახლა მანდილოსნებსა ჰკითხეთ! ოჰ, მანდილოსნებისათვის ნევის პროსპექტი კიდევ უფრო საამურია, მაგრამ აბა ვისთვის არ არის იგი საამური? გახვალთ თუ არა ნევის პროსპექტზე, სეირნობის განწყობილება გეუფლებათ. თუ გინდ საჭირო და აუცილებელი საქმეც გქონდეთ, სულ ერთია - შედგამთ ფეხს პროსპექტზე და ყველაფერი გავიწყდებათ. მერკანტილური ინტერესებით შეპყრობილ პეტერბურგში ეს ერთადერთი ადგილია, სადაც ადამიანები ერთმანეთს არ ხვდებიან აუცილებლობის კარნახით და სადაც ისინი გაჭირვებას არ გამოურეკია. გეჩვენებათ, თითქოს აქ შეხვედრილი...