ადამიანის ხმა

• სათაური: ადამიანის ხმა
• ISBN კოდი:
• ავტორი: ჟან კოქტო
• გამომცემელი: iBooks
• გამოცემის თარიღი: 2016
• ენა: ქართული
• გვერდები: 10
• კატეგორია: წიგნები
• ნახვები: 2970
• რეიტინგი: 4.0

ადამიანის ხმა;

 

 

სცენის სივრცეში, დახატული წითელი ფარდების ჩარჩო შემოსაზღვრავს არასწორ კუთხეს, სადაც ქალის საძინებელი ოთახია გაწყობილი. ოთახი ბნელია და მოლურჯო ტონები ციალებენ. მარცხნივ არეული საწოლი დგას, მარჯვნივ, ნახევრად გაღებული კარიდან თეთრი, გაჩახჩახებული სააბაზანო ოთახი მოჩანს. ცენტრში, უკან, რომელიმე შედევრის გადიდებული ფოტოსურათი ან საოჯახო პორტრეტი, მოკლედ რაიმე ავისმომასწავებელი სურათი კიდია.
სუფლიორის ჯიხურის წინ დაბალი სკამი და პატარა მაგიდა დგას. მაგიდაზე აწყვია ტელეფონი, წიგნები და ლამპა, რომელიც ირგვლივ ულმობლად მჭახე შუქს აფრქვევს. ფარდის გადაწევამ საბურველი უნდა შემოაცალოს ოთახს, რომელიც ისეთ შთაბეჭდილებას ქმნის, თითქოს აქ მკვლელობა მოხდა. საწოლთან, იატაკზე, გრძელ ღამის პერანგში გამოწყობილი ქალი მიცვალებულივით გაჭიმული წევს. პაუზის შემდეგ ქალი ამოძრავდება, პოზას შეიცვლის და ისევ გაშეშდება. ბოლოს წამოდგომას გადაწყვეტს, ადგება, საწოლიდან მანტოს აიღებს, მცირე ხანს ტელეფონთან შეჩერდება და კარისაკენ გაემართება. როგორც კი კარს შეეხება, ტელეფონიც აწკრიალდება. ქალი მანტოს დააგდებს და გამოიქცევა. მანტო ფეხებში გაებლანდება. ქალი მას ფეხისკვრით მოიშორებს და ხელს ყურმილს დასტაცებს.
ამ წუთის შემდეგ ის ლაპარაკობს და პოზებს იცვლის: ფეხზე დგას, ზურგშექცევით დაჯდება, სახეს ან პროფილს დარბაზისაკენ შემოაბრუნებს, მაღალზურგიანი სავარძლის უკან მუხლებზე დაეცემა და სავარძლის ზურგის კიდეზე თავს ისე ჩამოდებს, თითქოს თავი მოკვეთილი ჰქონდეს, სავარძლის ზურგზე მიესვენება, ოთახში წინ და უკან ივლის და ტელეფონის ზონარს თან დაათრევს და ასე ბოლომდე, სანამ საწოლზე მოკვეთილივით არ დაეცემა, თავი ძირს გადმოეკიდება, ყურმილი კი ქვასავით გაუვარდება.
ყოველი პოზა ამ მონოლოგ-დიალოგის თითო ფაზას (ძაღლის, სიცრუის ფაზები) ემსახურება. ნერვოზულობა გახელებული სიჩქარით კი არა, ამ პოზებით ვლინდება. თანაც ყოველი მათგანი უკიდურესად უხერხულ მდგომარეობას გამოხატავს. ღამის პერანგი, პენუარი, ჭერი, კარი, სავარძელი, შალითები, აბაჟური თეთრი ფერისაა. სუფლიორის ჯიხურიდან...