ბრბოს მრწამსი

• სათაური: ბრბოს მრწამსი
• ISBN კოდი:
• ავტორი: გუსტავ ლე ბონი
• გამომცემელი: iBooks
• გამოცემის თარიღი: 2016
• ენა: ქართული
• გვერდები: 13
• კატეგორია: წიგნები
• ნახვები: 2113
• რეიტინგი: 5.0

საავტორო უფლება;

 

ბრბოს იდეები, შეხედულებები და წარმოსახვა;

 

რელიგიური ფორმები, რომლებითაც ბრბოს შეხედულებები იმოსება;

 

შენიშვნები;

 

ბრბოს იდეები, შეხედულებები და წარმოსახვა
 
1. ბრბოს იდეები. - ძირითადი და თანდართული იდეები. - როგორ არსებობენ ერთდროულად ყველაზე წინააღმდეგობრივი იდეები. - ცვლილება, რომელიც მაღალმა იდეამ უნდა განიცადოს, რათა ბრბოსთვის გასაგებად იქცეს.
2. ბრბოს შეხედულებები. - ბრბოსთან ასოცირებული იდეები მხოლოდ გარეგნულად შეიძლება წარმოადგენდნენ თანმიმდევრულობას.
3. ბრბოს წარმოსახვა. - ბრბო სურათებით აზროვნებს და ეს სურათები ერთმანეთს ყოველგვარი კავშირის გარეშე მისდევენ. - ბრბო განსაკუთრებით აღქმადი სასწაულებრივისადმია. - სასწაულებრივი და ლეგენდარული ცივილიზაციის ჭეშმარიტ საყრდენს წარმოადგენს.
 
1. ბრბოს იდეები
 
განვიხილავდით რა ამ წიგნის პირველ ნაწილში („ერების ფსიქოლოგია“) იდეების როლს ცივილიზაციის განვითარებაში, ჩვენ აღვნიშნეთ, რომ ყოველი ცივილიზაცია სათავეს იღებს ძირითად იდეათა მცირე რაოდენობიდან, რომელთა განახლება უკიდურესად იშვიათად ხდება. ჩვენ ვაჩვენეთ, როგორ მკვიდრდებიან ეს იდეები ბრბოს სულში, რაოდენი სირთულით აღწევენ მასში და როგორ ძალმოსილებას იხვეჭენ მას შემდეგ, რაც მასში დამკვიდრდებიან. ჩვენ ასევე ვიხილეთ, რომ ხშირად დიადი ისტორიული გადატრიალებები ბრბოს ძირითად იდეათა ცვლილებებიდან გამომდინარეობს.
ამ საკითხის შესახებ საკმაოდ ვისაუბრე და ახლა მას აღარ დავუბრუნდები. მხოლოდ რამდენიმე სიტყვას ვიტყვი ბრბოსთვის საწვდომ იდეათა შესახებ და ასევე ფორმისა, რომლითაც ბრბო მათ ითვისებს.
ეს იდეები შესაძლოა ორ ნაწილად დავყოთ: პირველს ვაკუთვნებთ დროებით და ხანმოკლე იდეებს, რომლებიც წუთიერი გავლენით არიან შობილნი, როგორიცაა, მაგალითად, რომელიმე ინდივიდის ან დოქტრინის თაყვანისცემა. მეორეს - ყველა ძირითად იდეას, რომელსაც გარემო, მემკვიდრეობითობა და საზოგადოებრივი აზრი დიდ მდგრადობას ანიჭებს. ასეთია უწინდელი რელიგიური რწმენა და ამჟამინდელი სოციალური და დემოკრატიული იდეები.
ძირითადი იდეები შესაძლოა რომელიმე მდინარის წყლის მასად წარმოვიდგინოთ, რომელიც მდორედ მიედინება, როდესაც...