ბურუსი

• სათაური: ბურუსი
• ISBN კოდი:
• ავტორი: მიგელ დე უნამუნო
• გამომცემელი: iBooks
• გამოცემის თარიღი: 2017
• ენა: ქართული
• გვერდები: 153
• კატეგორია: წიგნები
• ნახვები: 3062
• რეიტინგი: 5.0

საავტორო უფლება;

ბურუსი;

რეკომენდებული წიგნები;

სარჩევი
 
საავტორო უფლება
ბურუსი
რეკომენდებული წიგნები
 
საავტორო უფლება
 
iBooks© 2017 ყველა უფლება დაცულია.
 
მოცემული პუბლიკაციის არც ერთი ნაწილი არ შეიძლება იქნას რეპროდუცირებული, გავრცელებული ან გადაცემული ნებისმიერი ფორმითა და ნებისმიერი საშუალებით, მათ შორის ელექტრონული, მექანიკური, კოპირების, სკანირების, ჩაწერის ან რაიმე სხვა გზით გამომცემლის წინასწარი წერილობითი თანხმობის გარეშე. გამოქვეყნების უფლების შესახებ გთხოვთ მოგვმართოთ შემდეგ მისამართზე: info@ibooks.ge
 
მიგელ დე უნამუნო - ბურუსი.
 
ბურუსი
 
პროლოგი
 
დონ მიგელ დე უნამუნო დაბეჯითებით მოითხოვს დავუწერო პროლოგი წიგნისა, რომელშიც მოგვითხრობს ჩემი კეთილი მეგობრის, აუგუსტო პერესის სევდიანი ცხოვრებისა და იდუმალი სიკვდილის ამბავს; უარი ვერ შევბედე - სენიორ უნამუნოს სურვილი ჩემთვის კანონია. მართალია, იმ უკიდურეს, ჰამლეტისებურ სკეპტიციზმამდე არ მივსულვარ, რომ ჩემი მეგობრის, პერესის მსგავსად საკუთარ არსებობაშიც კი ეჭვი შევიტანო, მაგრამ საკმაოდ კარგად მესმის, რამდენად უცხოა ჩემთვის ის თვისება, რასაც ფსიქოლოგები ნებელობის თავისუფლებას უწოდებენ; თუმცა თავს იმით ვინუგეშებ, რომ თვით დონ მიგელისთვისაც უცხოა იგი.
მკითხველს ალბათ გაუკვირდება - დონ მიგელისთანა ღირსეული და სახელგანთქმული მწერლის წიგნის პროლოგს ვწერ მე, ესპანური ლიტერატურის სამფლობელოში სრულიად უცხო კაცი; პროლოგებს, ჩვეულებრივ, უფრო ცნობილი მწერლები წერენ, მაშასადამე, მკითხველი საზოგადოების წინაშე წარადგენენ ხოლმე ნაკლებად ცნობილთ. მაგრამ მე და დონ მიგელი შევთანხმდით, ბოლო მოვუღოთ ამ მავნე ჩვევას და პირუკუ მოვიქცეთ: ამჯერად, უცნობმა წარადგინოს ცნობილი. სიმართლე ითქვას, წიგნებს უფრო შინაარსისთვის ყიდულობენ, ვიდრე პროლოგისთვის, ამდენად, ისიც ბუნებრივია, თუ ჩემისთანა ახალგაზრდა დამწყები მწერალი, საზოგადოების ყურადღების მიპყრობის მიზნით, ლიტერატურის ვეტერანს კი არ დააწერინებს საკუთარი წიგნის...