იესოს ცხოვრება

• სათაური: იესოს ცხოვრება
• ISBN კოდი:
• ავტორი: ერნესტ რენანი
• გამომცემელი: iBooks
• გამოცემის თარიღი: 2016
• ენა: ქართული
• გვერდები: 95
• კატეგორია: წიგნები
• ნახვები: 3708
• რეიტინგი: 2.8

I იესო ყრმობისას და მისი სამშობლო;

 

II აღზრდა იესოსი;

 

III იესოს თანამედროვე იდეები;

 

IV იესოს პირველი მოძღვრებანი. მისი აზრი მამა ღმრთისა და ლიტონი სარწმუნოების შესახებ. პირველი მოწაფენი;

 

V იოანე ნათლისმცემელი. იესოს მისვლა იოანესთან და ნათლისღება;

 

VI იესოს აზრი სასუფევლის შესახებ;

 

VII იესო კაპერნაუმად;

 

VIII იესოს მოწაფენი;

 

IX ქადაგებანი ტბის პირას;

 

X სასუფეველი ცათა ანუ სასუფეველი გლახაკთა;

 

XI იოანესაგან იესოსთან მოწაფეების გაგზავნა, სიკვდილი იოანესი. იოანესა და იესოს მოწაფეთა ურთიერთობა;

 

XII პირველი ცდა იერუსალიმის მორჯულების შესახებ;

 

XIII იესოს აზრი წარმართთა და სამარიელთა შესახებ;

 

XIV დასაწყისი იესოს შესახებ ლეგენდისა. რასა ჰფიქრობს იესო თავის თავზე;

 

XV გადაჭრილი აზრი იესოს სასუფევლის შესახებ;

 

XVI დაარსება ეკლესიისა;

 

XVII იესოს მოწინააღმდეგენი;

 

XVIII უკანასკნელად იერუსალიმში;

 

XIX იესოს მტრები მახეს აგებენ;

 

XX უკანასკნელი კვირა იესოს სიცოცხლისა;

 

XXI შეპყრობა იესოსი და მისი განსჯა;

 

XXII ვნება და სიკვდილი იესოსი;

 

XXIII ძირითადი თვისებანი იესოს მოძღვრებისა;

 

შენიშვნები;

 

 

მიძღვნა
ჩემი დის ჰენრიეტას ნათელ სულს
 
აწ უკვე განსვენებულსა წიაღსა შინა ღმრთისასა, ნეტა თუ გახსოვს ჩვენ მიერ ხაზირაში გატარებული ის ნეტარი დღეები, როდესაც ამ წიგნსა ვწერდი. შენ მდუმარეთ იჯექ ჩემს გვერდით, თითოეულ ახლად დაწერილ ფურცელს ათვალიერებდი და მაშინვე გადაწერას იწყებდი. ჩვენ წინ კი გაშლილიყო ჩვენი აღმაფრთოვანებელი ზღვა, სოფლები, ხევები, მთები. როდესაც გავარვარებული მზე ჩაესვენებოდა ხოლმე მთის იქით და უთვალავი რიცხვი კითხვებითა და ეჭვნარევი საუბრით ჩვენ საერთო გულისთქმას აორკეცებდი. ერთხელ ისიც კი მითხარ, რომ მოგწონს ეს წიგნი და გეყვარება კიდეც, რადგან შენ თვალწინ არის დაწერილი. შენ მხოლოდ ის გეფიქრებოდა, რომ ფუქსავატნი დაგმობდნენ ამ წიგნს, თუმცა გწამდა რომ ნამდვილ მორწმუნეთ გულს მოუგებდა.
მშვენიერი ბუნების მომზირალთ უცბად შეგვეხო მსახვრალი ხელი სიკვდილისა. ცივმა ძილმა ორივეს თვალები დაგვიხუჭა. გავიდა მცირე ხანი და... მხოლოდ მე გამომეღვიძა! შენ ახლა განისვენებ ადონისის მიწის ქვეშ, საღმრთო ბიბლოსისა და იმ მდინარეთა გვერდით, რომელთა ტალღებს ოდესღაც ერთოდა ძველ თქმულებათა მიერ გამოწვეული ცრემლები დედათა. მამცნე მაინც, ჩემო კეთილო ნიჭო, მამცნე მეთქი შენ საყვარელ ძმას ის ჭეშმარიტება, რომელიც ადამიანს სიკვდილზე მაღლა აყენებს და გვიხმობს: არამც თუ გვეშინოდეს სიკვდილისა, არამედ თითქმის შევიყვაროთ კიდეც იგი.
 
I
იესო ყრმობისას და მისი სამშობლო
 
ერთი უშესანიშნავესი მოვლენათაგანი კაცობრიობის ცხოვრებაში არის ის ხანა, როდესაც უკეთილშობილესმა  ნაწილმა კაცობრიობისამ დაუტევა წარმართობა და შეუდგა ახალი სარწმუნოების აღიარებას. სამპიროვანი ღმერთი და განკაცებული ძე ღმერთისა - აი, რა შეიქნა ამ სარწმუნოების ქვაკუთხედათ. თითქმის ათას წელიწადზე მეტი დრო დასჭირდა ახალი ხანის განმტკიცებას, ვინაიდან თვით ქრისტიანობამ სამასი წელიწადი მოანდომა დონეზე დადგომას, ჩამოყალიბებას.
დასაბამი ჩვენგან დასახლებული ცვლილებისა იწყება რომის იმპერატორთა ავგუსტუსისა და ტიბერიუსის დროიდან. მაშინ...