მშფოთვარე გარდასახვა

• სათაური: მშფოთვარე გარდასახვა
• ISBN კოდი: 9789941335761
• ავტორი: ივა თადიაშვილი
• გამომცემელი: უნივერსალი
• გამოცემის თარიღი: 2023
• ენა: ქართული
• გვერდები: 74
• კატეგორია: წიგნები
• ნახვები: 46
• რეიტინგი: 5.0

ივა თადიაშვილი
 
მშფოთვარე გარდასახვა
 
ყდის დიზაინი: ანა კონტრიძე
 
 
წინათქმა
 
ვის უნდა ვუსმინოთ და გავყვეთ? პოლიტიკოსებს? მეცნიერებს? ეზოთერიკოსებს? რელიგიურ ლიდერებს? ისინი ხომ ისე დამაჯერებლად საუბრობენ, რომ რთულია მათ სიტყვაში ეჭვის შეტანა. პოეტები კი ისინი არიან, ვისი სიტყვების მრავალმხრივ ინტერპრეტირება შეიძლება და ამიტომაც მათ სიტყვებში უფრო ადვილად შეაქვთ ხოლმე ეჭვი. მაგრამ ვფიქრობ რომ  პოეტები არიან ის ადამიანები ვისაც შეგვიძლია ვუსმინოთ და გავყვეთ.
სოკრატე იონთან საუბრისას ამბობს რომ პოეტები ღმერთის სიტყვის გამტარები არიან, ამასვე ამბობს იესოც: “მე პირს გავაღებ, და ჩემით ღმერთი ილაპარაკებს”. იესოც თავისთავად პოეტია.
სოკრატესთვის როცა უთქვამთ შენ ყველაზე ჭკვიანი კაცი ხარ ათენშიო, სოკრატე პოეტებთან  წავიდა ამ აზრის უარსაყოფად, რადგან ფიქრობდა პოეტები იყვნენ ყველაზე ჭკვიანი ადამიანები. აღმოაჩინა რომ პოეტებს ლექსებში, ის საერთოდ არ უგულისხმიათ, რასაც სოკრატე ინტერპრეტირებდა.
ასე იყო იესოც ის პირს აღებდა და მისი პირით ღმერთი ამოთქვამდა სათქმელს, შემდეგ კი მოწაფეების და სხვების კითხვებით თუ რას ნიშნავდა ესა თუ ის სიტყვა, იკარგებოდა იესოს მთავარი სათქმელი.
გამოდის რომ თუ კი პოეტი თავის შინაგან ხმას მოუსმენს და მიენდობა, თუკი გადადებს საკუთარ თავს, საკუთარ გონს და მთლიანად გაჰყვება ინტუიციას,  ასე შეიქმნება პოეზია არა როგორც უბრალო ლექსი, არამედ როგორც ზუსტი ხელოვნება, რომელსაც ინტერპრეტირება აღარ სჭირდება.
თუ პოეზიას ასე შევხედავთ, პოეზია ალქიმიური პროცესი ხდება სადაც პოეტი ღმერთის სიტყვებს ლექსებად აქცევს, ანთავისუფლებს ღმერთის სიჩუმეს სიტყვებით. ისევე როგორც ალქიმიკოსი ანთავისუფლებს ღმერთს უმატერიობისგან ფილოსოფიურ ქვის შექმნით.
ასე რომ პოეზია ხელოვნების ის დარგია, რომელიც ყველაზე ნაკლებადაა გავლენების ქვეშ და ამიტომ ყველაზე თავისუფალია სხვა ხელოვნების დარგებისგან განსხვავებით. პოეზია ყველაზე გულწრფელი და ზუსტი...