- კალათა
- ავტორიზაცია
-
პეპლები ორფევსის კოლექციიდან
ავტორი: ჰანს არნფრიდ ასტელი
2025 წელი | გამომცემელი: თამარ კოტრიკაძე
პოეზია, თანამედროვე, თარგმანი
კრებულში შესულია თანამედროვე გერმანელი პოეტის, ჰანს არნფრიდ ასტელის მინიატიურული ლექსები, რომლებიც ჰაიკუს ფორმითაა დაწერილი. აგრეთვე გაეცნობით ავტორის ორ ესეისა და მისი შემოქმედებისადმი მიძღვნილ ორ წერილს (წერილები ეკუთვნის ჰუბერტ ფიხტეს და თამარ კოტრიკაძეს). ასტელის შემოქმედება ანტიკური მითოლოგიისა და ლიტერატურის მხატვრული სახეების ახლებური ხედვაა, მისი ლექსები ნატურფილოსოფიის ნიმუშებია, ესეებში კი უაღრესად საინტერესოდ იკვლევს ზოგერთი სიტყვის, მათ შორის მცენარის სახელწოდების წარმოშობას, მათ კავშირს ანტიკურ მითოლოგიასთან. ერთ-ერთმა კრიტიკოსმა ასტელის პოეზიის შესახებ თქვა: „ეს ერთი გაბმული ფლირტია, ცხადია, არა გოგონებთან, არამედ ბუნების ყოველ ქმნილებასთან“.
ჰანს არნფრიდ ასტელი (1933-2018) მიუნხენში დაბადებული გერმანელი პოეტია. ცხოვრობდა ზაარლანდის მიწაზე. 1959 წელს დააფუძნა ჟურნალი Lyrische Hefte – Zeitschrift für Gedichte („ლირიკული რვეულები – ლექსების ჟურნალი“), რომელსაც 1971 წლამდე რედაქტორობდა. საკუთარ ლექსებს, მეტწილად, ბუნების სურათებს, ჟურნალის ფურცლებზე ფსევდონიმით აქვეყნებდა. 1967 წელს დაიწყო მუშაობა ზაარლანდის რადიოში ლიტერატურულ რედაქტორად. 1988 წლის დეკემბრიდან 1989 წლის სექტემბრამდე გერმანელ მწერალთა გაერთიანების ფედერალურ კომისიაში ზაარლანდს წარმოადგენდა, 1989 წლის სექტემბერში კი კომისიის თავმჯდომარის მოადგილედ აირჩიეს. ეს პოსტი 1991 წლამდე ეკავა. 1970-იან წლებში დიდ წარმატებას მიაღწია პოლიტიკური ეპიგრამებით, შემდგომ წლებში კი უფრო მეტად ლანდშაფტურ და სასიყვარულო ლექსებს წერდა.
