სასჯელი სისხლის

• სათაური: სასჯელი სისხლის
• ISBN კოდი:
• ავტორი: გვანცა ლიპარტელიანი
• გამომცემელი: gvanca
• გამოცემის თარიღი: 2026
• ენა: ქართული
• გვერდები: 20
• კატეგორია: წიგნები
• ნახვები: 97
• რეიტინგი: 3.7

 
 
 
 
 
 
             სასჯელი სისხლის
 
 
 
 
 
 
 
 
 
 
 
 
 
 
 
 
 
პროლოგი — ბოროტების დაბადება
 
ყველგან არსებობენ ადამიანები, რომელთა არსებობაც სამყაროს ამძიმებს. ისინი სუნთქავენ, დადიან, იღიმიან, სხვებს შორის ცხოვრობენ მაგრამ სადაც ჩნდებიან, უკან ტკივილს, შიშსა და ნგრევას ტოვებენ.
ზოგი ბოროტებას შემთხვევით ირჩევს. ზოგი შეგნებულად. და რაც უფრო მეტ ძალაუფლებას, სარგებელსა და სიამოვნებას იღებენ საკუთარი სისასტიკით, მით უფრო ნაკლებად სურთ შეცვლა.
სამყარო მათ არსებობას იტანს. კანონი ზოგჯერ სჯის, ზოგჯერ არა. ადამიანები გმობენ... და მერე ივიწყებენ.
მაგრამ მე ვერ დავივიწყებ.
მე ვუყურებდი, როგორ რჩებოდა ბოროტება დაუსჯელი. როგორ აგრძელებდნენ ურჩხულები ცხოვრებას, თითქოს არაფერი მომხდარა. როგორ შეეძლოთ ადამიანებს სხვისი ცხოვრების დანგრევა და შემდეგ მშვიდად ცხოვრება.
ოდესღაც მჯეროდა, რომ სამართალი არსებობდა. რომ ღმერთი ხედავდა. და სიკეთე საბოლოოდ იმარჯვებდა.
სამწუხაროდ ვცდებოდი.
სწორედ იმ დღეს, როცა ბავშვობა დავკარგე, ჩემში რაღაც მოკვდა. და იმავე დღეს დაიბადა რაღაც ბევრად საშიში.
ეს თითქოს დასასრულის დასაწყისი იყო
ეს არ იყო უბრალოდ შურისძიება.
ეს იყო იდეა,
რწმენა,
შეპყრობილობა.
და ფიქრი რომ ბოროტება უნდა გამქრალიყო.
რაც უფრო ვიზრდებოდი, მით უფრო ნათლად ვხვდებოდი ერთ რამეს — ადამიანები ყველაზე საშიშები მაშინ ხდებიან, როცა საკუთარ თავს ამართლებენ.
და მეც სწორედ ასეთად ვიქეცი.
მე არ დავიბადე მონსტრად.
სწორედ თქვენ შემქმენით მონსტრად.
 
 
 
 
თავი 1. სისხლით დაკარგული ბავშვობა
 
1999 წელს დავიბადე გერმანიის ერთ-ერთ ღარიბულ საავადმყოფოში.
ჩემი დაბადება არავის უზეიმია. არ ყოფილა ყვავილები, ბედნიერი...