- კალათა
- ავტორიზაცია
-
შრი იშოპანიშადი
ავტორი: ა. ჩ. ბჰაქტივედანტა სვამი
2017 წელი | გამომცემელი: Bhaktivedanta Book Trust
ფილოსოფია, რელიგია, მისტიციზმი
ვედების მთელი სიბრძნე თავმოყრილია 108 უპანიშადში, რომელთაგან „შრი იშოპანიშადი“ უმთავრესია: მისი თვრამეტი ლექსი ყოველგვარი ცოდნის დასაბამის სიღრმისეული შეცნობის საშუალებას იძლევა. სულიერ ძიებას მოწყურებულნი ათასობით წლის მანძილზე ეწაფებოდნენ მისტიურ, ღრმად ფილოსოფიურ უპანიშადებს. როგორც თავად სახელი („უპა“ – „ახლოს“, „ნი“ – „ქვემოთ“, „შად“ – „ჯდომა“) მეტყველებს., ადამიანი სულიერი მოძღვრის სიახლოვეს უნდა დაჯდეს და ცოდნას დაეუფლოს. მაგრამ რა ცოდნას? ამას ამ უპანიშადის სახელი თავად გვიხსნის: „იშა“ ნიშნავს „უმაღლეს განმგებელს“. მაშ, დავსხდეთ სულიერი წინამძღვრის სიახლოვეს და დავეუფლოთ უმაღლესი განმგებლის, ღმერთის, შესახებ სწავლებას. პროცესი მეტად ადვილად წარიმართება, თუ ცოდნას აუთენტური წყაროდან დავეუფლებით. ამ ამოცანას ზუსტად პასუხობს შრილა პრაბჰუპადას თარგმანი და კომენტარები, რომელიც უპანიშადების ცოდნის სიღრმეებს გვაზიარებს.
მისი ღვთაებრივი მოწყალება ა. ჩ. ბჰაქტივედანტა სვამი პრაბჰუპადა 1896 წელს კალკუტაში (ინდოეთი) მოევლინა ქვეყანას და კალკუტაშივე, 1922 წელს პირველად შეხვდა თავის სულიერ მოძღვარს, ბჰაქტისიდდჰანტა სარასვატი გოსვამის. ბჰაქტისიდდჰანტა სარასვატის მოეწონა განათლებული ახალგაზრდა და დაარწმუნა იგი, მთელი სიცოცხლე ვედური ცოდნის გავრცელებისთვის მიეძღვნა. ამგვარად, შრილა პრაბჰუპადა მისი მოწაფე გახდა, თერთმეტი წლის შემდეგ კი (1933 წ.) ინიცირებულ იქნა ალაჰაბადში.
