- კალათა
- ავტორიზაცია
-
სვენ ძძი სამხედრო ხელოვნების შესახებ
ავტორი: სვენ ძძი
2000 წელი | გამომცემელი: ზურა
ქართული, თარგმანი, სახელმძღვანელო
„სვენ ძძი სამხედრო ხელოვნების შესახებ“ უძველესი და დღემდე ყველაზე სახელმოხვეჭილი ნაწარმოებია ჩინურ სამხედრო ხელოვნებაში, მას ჩინეთში „სამხედროთა წმინდა ტრაქტატს“ უწოდებენ, იგი ერთ-ერთი უძველესი და ცნობილი ნაწარმოებია მთელ მსოფლიოშიც. ახ. წ. აღ. VIII საუკუნეში მან გავრცელება დაიწყო იაპონიაში, შემდეგ კორეაშიც, ხოლო XVIII საუკუნის ბოლოდან გამოჩნდა მისი თარგმანები ფრანგულ, ინგლისურ და სხვა ევროპულ ენებზე. წიგნი კომენტირებულია ძველი დროის ბევრი ცნობილი ჩინელი ავტორის მიერ, მას ეძღვნებოდა და ეძღვნება ჩინელ და უცხოელ ავტორთა მრავალი შრომა და მეცნიერული გამოკვლევა. სწორედ წიგნის ეს მაღალმხატვრული და ისტორიული ღირებულება გახდა მიზეზი იმისა, რომ გადავწყვიტეთ იგი ქართველი მკითხველისათვის გაგვეცნო. იმედი გვაქვს, ჩვენს მკითხველს მოეწონება ეს უძველესი ჩინური ტრაქტატი, რომელმაც დიდი ხანია თავისი ღირსეული ადგილი დაიმკვიდრა მსოფლიო ხალხთა საგანძურში.
ძველი ისტორიული წყაროების და სვენ ძძის მიერ ჩატარებულ ბრძოლათა თარიღებიდან გამომდინარე ვარაუდობენ, რომ სვენ ძძი კონფუცის თანამედროვე უნდა ყოფილიყო, ე.ი. ცხოვრობდა და მოღვაწეობდა ჩვენციუს ისტორიული პერიოდის ბოლოს, ანუ ძვ.წ.აღ. VI-V საუკუნეების მიჯნაზე, მისმა წიგნმაც ამ დროიდან დაიწყო გავრცელება.
