ფილოსოფიის საწყისები

• სათაური: ფილოსოფიის საწყისები
• ISBN კოდი:
• ავტორი: რენე დეკარტი
• გამომცემელი: ბიბლიო
• გამოცემის თარიღი: 2022
• ენა: ქართული
• გვერდები: 96
• კატეგორია: წიგნები
• ნახვები: 911
• რეიტინგი: 5.0

• პირველი ნაწილი. ადამიანური შემეცნების საწყისების შესახებ
• მეორე ნაწილი. მატერიალურ საგანთა საწყისების შესახებ
• მესამე ნაწილი. ხილული სამყაროს შესახებ
• მეოთხე ნაწილი. დედამიწის შესახებ

  
რენე დეკარტი – ფილოსოფიის საწყისები Rene Descartes - Principia Philosophiae  
სარჩევი
 
პირველი ნაწილი. ადამიანური შემეცნების საწყისების შესახებ
მეორე ნაწილი. მატერიალურ საგანთა საწყისების შესახებ
მესამე ნაწილი. ხილული სამყაროს შესახებ
მეოთხე ნაწილი. დედამიწის შესახებ
 
პირველი ნაწილი. ადამიანური შემეცნების საწყისების შესახებ  
1. იმის შესახებ, რომ ჭეშმარიტების მაძიებელმა, საჭიროა ცხოვრებაში ერთხელ ყველა საგანი, შეძლებისდაგვარად, ეჭვქვეშ დააყენოს
 
ვიდრე მოწიფულობის ასაკს მივაღწევთ და გონებით სრულად ხელმძღვანელობა ჩვევად გვექცევა, იმ საგნების შესახებ, რომლებიც ბავშვობაში ჩვენს გრძნობებს წარმოუდგებოდა ხოლმე, ხან სწორი შეგვექმნა, ხან მცდარი; ნაჩქარევად გამოტანილი მრავალი ასეთი აზრის გამო გვექმნება დაბრკოლება ჭეშმარიტების შემეცნების მისაღწევად და მათგან განთავისუფლებას, ეტყობა, მხოლოდ იმ შემთხვევაში შევძლებთ, თუ ჩვენს ცხოვრებაში ერთხელ ეჭვქვეშ დავაყენებთ ყველა იმ საგანს, რომელთა უტყუარობა აღგვიძრავს უმცირეს ეჭვს.
 
2. იმის შესახებ, რომ, ასევე, მცდარად უნდა მივიჩნიოთ ყველა ის საგანი, რომელთაც შესაძლოა დაგვაეჭვონ
 
მეტიც, დიდად სასარგებლოა, უარვყოთ, როგორც მცდარი, ყველა ის საგანი, რომელთაც შეიძლება მცირეოდენ დაგვაეჭვონ; ამგვარი სიფრთხილის მიუხედავად, მათგან ზოგი თუ აშკარად ჭეშმარიტი გვეჩვენა, ისინი მივიჩნიოთ მართლაც უდავოდ და ყველაზე უფრო გასაგებად შემეცნებისთვის.
 
3. იმის შესახებ, რომ ჩვენ ყოფით მოქმედებათა წარმართვისას როდი უნდა ვიხელმძღვანელოთ ასეთი ეჭვით
 
აღნიშნულის მიუხედავად, შევნიშნავ: დაეჭვების ასეთი ზოგადი სახის მეთოდით ხელმძღვანელობას მე გთავაზობთ მხოლოდ იმ შემთხვევაში, როდესაც ჩვენი მიზანი არის ჭეშმარიტების წვდომა. რაც შეეხება ყოფით საქმეებს, ცხადია, ხშირ შემთხვევაში, მხოლოდ მართლისდარი შეხედულებებით ვხელმძღვანელობთ, რადგან თითქმის ყოველთვის მოქმედება გვიწევს მანამდე, ვიდრე ყველა ეჭვისგან...