iBooks.Ge - ელექტრონული წიგნების ონლაინ მაღაზია
შემოგვიერთდით:

მთარგმნელის საცოლე

ავტორი: ჟოაუ ღეიში

2021 წელი | გამომცემელი: საქართველოს აკადემიური გამომცემლობა

მთარგმნელი: მარიეტა ჩიხლაძე

რომანი, თანამედროვე, თარგმანი

ფორმატები: pdf
711
  • Star
  • Star
  • Star
  • Star
  • Star
5.0
(1 შეფასება)
ანოტაცია

„მთარგმნელის საცოლე“ 2015 წელს გამოქვეყნდა, ხოლო 2019 წელს თავად ავტორმა თარგმნა ინგლისურ ენაზე, თან - რამდენადმე სახეცვლილი. წიგნი მოგვითხრობს მთარგმნელის ერთ სევდიან დღეზე, რომელიც საცოლემ მიატოვა და გემით შორეულ ქვეყანაში გაემგზავრა. თუ იგი წიგნის თარგმნის უფლებას მოიპოვებს და პატარა ყვითელ სახლს შეიძენს, იქნებ საცოლე უკან დაიბრუნოს... ეს აკვიატებული აზრი უტრიალებს მთარგმნელს გონებაში, როდესაც უსახელო ქალაქში დახეტიალობს და ცდილობს იპოვოს გზა საცოლისა და ცხოვრების უკან დასაბრუნებლად. გამომცემლები კუთვნილ ჯამაგირს დროულად არ უხდიან, როდესაც მისი დღეები დონა ლუკრეციას სახლის ნაქირავებ ცივ ოთახში ლიტერატურისა და საქმიანი ქაღალდების თარგმანში მიედინება, ცუდად იკვებება და სანთლის შუქზე მუშაობს. ფსიქოზური იდეებით შეპყრობილი მთარგმნელისთვის ყველაფერი აუტანელი ხდება, რადგან ელენა მის გვერდით აღარ არის. „მთარგმნელის საცოლე“ - ეს არის ერთი დღე ერთი მთარგმნელისა, რომლის ტკივილს უთუოდ გაიზიარებთ განურჩევლად იმისა, მთარგმნელი ხართ თუ არა.

მახასიათებლები
გადაფურცვლა
ჟოაუ ღეიში
ჟოაუ ღეიში

ჟოაუ ღეიში ახალგაზრდა პორტუგალიელი მწერალია, რომელიც 1985 წელს დაიბადა ჩრდილოეთ პორტუგალიაში. იგი რამდენიმე წიგნის ავტორია და მის შემოქმედებას კნუტ ჰამსუნისა და ფრანც კაფკას შემოქმედებას ადარებენ. 2010 წლიდან მთარგმნელობითი საქმიანობით არის დაკავებული და რამდენიმე ენიდან თარგმნის, მათ შორისაა: შვედური, დანიური, ნორვეგიული და ისლანდიური.