ქრისტიანობის ღირსებისა და ქრისტიანთა უღირსების შესახებ

• სათაური: ქრისტიანობის ღირსებისა და ქრისტიანთა უღირსების შესახებ
• ISBN კოდი:
• ავტორი: ნიკოლაი ბერდიაევი
• გამომცემელი: iBooks
• გამოცემის თარიღი: 2016
• ენა: ქართული
• გვერდები: 17
• კატეგორია: წიგნები
• ნახვები: 2144
• რეიტინგი: 5.0

ქრისტიანობის ღირსებისა და ქრისტიანთა უღირსების შესახებ;

 

1;

 

2;

 

3;

 

4;

 

5;

 

6;

 

7;

 

 

1
 
ბოკაჩოს აქვს მოთხრობა ებრაელის შესახებ, რომლის მეგობარი ქრისტიანი მის ქრისტიანად მოქცევას ცდილობდა. ებრაელი ქრისტიანობის მიღებისკენ იხრებოდა, მაგრამ საბოლოო გადაწყვეტილების მისაღებად რომში წასვლა და იქ ეკლესიის სათავეში მდგომი ადამიანების - პაპის და კარდინალების ცხოვრების ნახვა ისურვა. ქრისტიანი, რომელიც ებრაელის მოქცევას ცდილობდა, შეშინდა და ჩათვალა, რომ მისმა მცდელობამ ფუჭად ჩაიარა, რადგან ებრაელი, ნახავდა რა რომში არსებულ მთელ უმსგავსობას, რა თქმა უნდა, მონათვლაზე უარს იტყოდა. ებრაელი წავიდა და იხილა პაპის კარზე სასულიერო პირთა შორის გაბატონებული ფარისევლობა, გახრწნილება, მუცელღმერთობა, ანგარება. ამ გამოცდის შედეგი მოულოდნელი გამოდგა. ებრაელი დაბრუნდა, მისი მეგობარი ქრისტიანი შიშით ეკითხება რომაული შთაბეჭდილებების შესახებ, რაზეც სრულიად მოულოდნელ და ერთობ ღრმააზროვან პასუხს იღებს: რადგან ქრისტიანულმა რწმენამ მთელ იმ უმსგავსობასთან და სისაძაგლესთან გამკლავება შეძლო, რაც მან რომში ნახა და ამის მიუხედავად გაძლიერდა და გავრცელდა, მაშასადამე იგი ჭეშმარიტი რწმენაა. ებრაელი გაქრისტიანდა.
 რაც არ უნდა ჰქონოდა მხედველობაში თავად ბოკაჩოს, ამ მოთხრობაში ქრისტიანობის დასაცავი სწორი გზაა ნაჩვენები. ქრისტიანობის წინააღმდეგ ყველაზე ძლიერი არგუმენტი თავად ქრისტიანებია. ქრისტიანები აბრკოლებენ მათ, ვისაც ქრისტიანად მოქცევა სურთ. ამ არგუმენტს განსაკუთრებით ხშირად ჩვენს დროში იყენებენ. ქრისტიანობის შესახებ ჩვენი დროის ქრისტიანების მიხედვით მსჯელობენ. ძველ დროში, როცა რწმენა ძლიერი იყო, ქრისტიანობის შესახებ, უპირველეს ყოვლისა, მისი მარადიული ჭეშმარიტების, მისი მოძღვრების და მცნებების მიხედვით მსჯელობდნენ. ჩვენი დრო კი ადამიანით და ადამიანურით მეტისმეტადაა გაჯერებული. ცუდმა ქრისტიანებმა გადაფარეს ქრისტიანობა. ქრისტიანთა ცუდი საქმეები, ქრისტიანობის დამახინჯება მათ მიერ, მათი ძალადობა უფრო აინტერესებთ და თვალშისაცემია, ვიდრე თავად ქრისტიანობა და მისი დიადი ჭეშმარიტება. ჩვენი დროის მრავალი ადმიანი ქრისტიანობის...