როგორ ვიცხოვროთ მშვიდად და მღელვარების გარეშე

• სათაური: როგორ ვიცხოვროთ მშვიდად და მღელვარების გარეშე
• ISBN კოდი: 978-9941-8-1631-4
• ავტორი: ალენ კარი
• გამომცემელი: Pega
• გამოცემის თარიღი: 2019
• ენა: ქართული
• გვერდები: 71
• კატეგორია: წიგნები
• ნახვები: 364
• რეიტინგი: 5.0

 ალენ კარი
 
როგორ ვიცხოვროთ მშვიდად და
მღელვარების გარეშე
(ოქროს წესები)
 
გამომცემლობა „პეგა“
თბილისი-2019
UDC (უაკ): 159.9
                     კ-27
 
ალენ კარი. როგორ ვიცხოვროთ მშვიდად და მღელვარების გარეშე (ოქროს წესები), გამომცემლობა „პეგა“, თბილისი, 2019, 71 გვ.
 
გამოჩენილი ინგლისელი მწერლისა და ფსიქოლოგის ალენ კარის ეს წიგნი დაგეხმარებათ მის მიერ შედგენილი მეთოდიკის გამოყენებით სხვადასხვა ფსიქოლოგიური პრობლემის გადაჭრაში - ალკოჰოლური დამოკიდებულებისაგან თავის დაღწევით დაწყებული და წონაში დაკლებით დამთავრებული. მკითხველები შეძლებენ ცნობიერების განთავისუფლებას საზოგადოებისა და მასობრივი კულტურის მიერ თავს მოხვეული სტერეოტიპებისაგან, ჩამოუყალიბდებათ პოზიტიური განწყობა, გაუმკავდებიან სტრესებს და დაძლევენ უსარგებლო შიშებს და მღელვარებას.
თქვენ ისწავლით საკუთარი თავისა და თქვენი ცხოვრების მართვას, გაიგებთ, როგორ მიაღწიოთ სულიერ წონასწორობას და მონახოთ გამოსავალი ერთი შეხედვით სრულიად უიმედო სიტუაციიდან.
წიგნი განკუთვნილია მკითხველთა ფართო წრისათვის.
 
 
 
მთარგმნელი: ნინა თურმანიძე
რედაქტორი: აკადემიკოსი თამაზ თურმანიძე
© საავტორო უფლებები დაცულია
ISBN 978-9941-8-1631-4
 
მღელვარება, მღელვარება, მუდამ მღელვარება!
 
მგონი ჩემს ცხოვრებაში მხოლოდ ერთი სასიხარულო რამ მქონდა: მე მყავდა ნამდვილი მეგობარი. მაგრამ აბსოლუტურად ვარ დარწმუნებული, რომ მისი დახმარებითაც ჩემს ყველა პრობლემას ვერ გავუმკლავდებოდი. ეს მეგობარი იყო სიგარეტის კოლოფი. უფრო სწორედ, არა ერთი კოლოფი: მე განუწყვეტლივ ვეწეოდი - დღეში 60-დან 100 სიგარეტამდე, და ასე ოცდაათ წელზე მეტი ხნის განმავლობაში!
რა თქმა უნდა, ამ „მეგობარს“ თავისი მინუსები ჰქონდა. მე მახსოვდა მისი ყველაზე დიდი მინუსი: ის აუცილებლად მომიღებს ბოლოს, თუ არ დავანებებ მას თავს. მე მქონდა რამდენიმე მტანჯველი მცდელობა დამენებებინა მისთვის თავი, მაგრამ...