წერილები

• სათაური: წერილები
• ISBN კოდი:
• ავტორი: ტერენტი გრანელი
• გამომცემელი: iBooks
• გამოცემის თარიღი: 2015
• ენა: ქართული
• გვერდები:
• კატეგორია: წიგნები
• ნახვები: 2000
• რეიტინგი: 4.5

“დაისები”;

 

ჩვენი მიზანი;

 

ახალ სამყაროში;

 

ჩემი დღიური;

 

გალაკტიონ ტაბიძის საღამოს გამო;

 

გულიდან სისხლის წვეთები;

 

ჩემო ძვირფასო დაო ზოზია!

 

ძვირფასო მეგობარო აკაკი!

 

ძვირფასო მეგობარო აკაკი!

 

სარკე;

 

სიკვდილის შემდეგ;

 

წვიმა;

 

ვარსკვლავი, რომელსაც მე ვუმზერ;

 

 

“დაისები”
”დაისების” ყველა ლექსი ბანაობს მუსიკის უსაზღვრო ზღვაში. ეჭვი არ არის, რომ ”დაისები” უნიკუმია საქართველოში. მისტიციზმმა, როგორც ძირითადმა ლეიტმოტივმა სიმბოლიზმისა, ვალ. გაფრინდაშვილის შემოქმედებაში ჰპოვა რეალური გამოხატულება. ის "ორეულები'', "ოფელიები'' და "მარსიფალები'', რომელიც ეზმანება პოეტს ახალ ქვეყანაში, აბსოლუტური თავდებია პოეტის უსაზღვრო ფანტაზიის და უძირო სულის. გაფრინდაშვილმა შეჰქმნა ისეთი მრავალფეროვანი პოეზია, რომელშიც გამოსჭვივის მისტიური სახე და ახალი სამყაროს გიგანტური სული. პოეტის ასეთი ორიგინალობის გენეზისი უეჭველია მის განსხვავებულ ტალანტში იმალება. გაფრინდაშვილმა დაიმსახურა პოეტის წმინდა სახელი. მან სთქვა ახალი სიტყვა და შექმნა თავისებური სამყარო, მაგრამ ამ სამყაროს განსჭვრეტა ძნელია ყველა იმათთვის, ვისაც არ ესმის სიმბოლისტური ლექსების მნიშვნელობა. დიდი გაუგებრობა და ყალბი წარმოდგენაა ჩვენში სიმბოლიზმზე. ორიგინალობა მხოლოდ სიცილს იწვევს საქართველოში, მაგრამ ამას მომავალი გაამართლებს და ეჭვი არ არის, კერძოდ გაფრინდაშვილის, და საერთოდ სიმბოლისტების სახელი წარუშლელი დარჩება ხელოვნების ისტორიაში.
ჩვენი მიზანი
შეიძლება ამ პირველ ნომერ გაზეთით ჩვენ სავსებით ვერ შევძლოთ ნაკისრი მოვალეობის პირნათლად შესრულება და მკითხველ საზოგადოების დაკმაყოფილება; მაგრამ, ყოველ შემთხვევაში, იმ ახლად დაარსებულ წრის უახლოესი მიზანია ძიება ახალი გზის და ახალი მიმართულებისა ხელოვნებაში, რომ ხელი შეუწყოს საქართველოში წმინდა ხელოვნების აღორძინებას. დღეს, როდესაც პოლიტიკური ცხოვრების მაჯისცემა ეგრე მაგრათ სცემს და ყოველდღიურ წვრილმან საკითხებში ჩაფლულია ადამიანის გონება, სწორედ დღეს არის საჭირო, რომ ხელოვნების ცხოველმა შუქმა გაანათოს ჩვენი ცხოვრების ბნელი კუნჭულები, აამოძრაოს ადამიანის შემოქმედება და თვალწინ გადაუშალოს საუცხოო სურათები სილამაზისა, სიმშვენიერისა და ჭეშმარიტებისა. უნდა მძლავრად ამეტყველდეს ჭეშმარიტი ხელოვნება, თორემ ლამის ადამიანი მხეცად იქცეს უმაღლეს განცდათა მოკლებული და ბოროტების...