- კალათა
- ავტორიზაცია
-
იოუნი
ავტორი: ოფეიგურ სიგურდსონი
2021 წელი | გამომცემელი: კლიო
თარგმანი, რომანი, ისტორია
რომანი დაფუძნებულია ისლანდიელი პროტესტანტი პასტორის, იოუნ სტეინგრიმსონის ლეგენდარულ წერილებზე, რომლებსაც ფეხმძიმე ცოლს, ტორუნს სწერდა. ქალის პირველი ქმრის მკვლელობაში ბრალდებული პასტორი ვულკანის საშინელი ამოფრქვევების შედეგად განადგურებულ ისლანდიის ველებზე დაეხეტება და მღვიმეს აფარებს თავს; გაუკაცრიელებული პეიზაჟის ფონზე, ფერფლის ნაცრისფერი ღრუბლებისა და ლაპილების გარდა, ის აღმოაჩენს ბუნების გაღვიძების არაჩვეულებრივ სილამაზეს და გადაეყრება უცნაურ მგზავრებს, რომლებიც, გაზაფხულის დადგომასთან ერთად, ახალი ცხოვრების იმედს უღვიძებენ და იმ დროზე დააფიქრებენ, როდესაც ტორუნს ჩაეხუტება და ახალშობილ პირმშოს ხელში აიყვანს. პასტორი იოუნი რეალური პიროვნება იყო და მისი ეპიკური ისტორია ისლანდიაში ყველამ იცის, წერილების შინაარსი თაობიდან თაობას გადაეცემა, ჰყვებიან, განიცდიან, თანაუგრძნობენ. მწერალმა ამ ისტორიის თავისებური ინტერპრეტაცია შემოგვთავაზა.
პოეტი და პროზაიკოსი ოფეიგურ სიგურდსონი დაიბადა რეიკიავიკში, 1975 წლის 2 ნოემბერს. დაამთავრა ისლანდიის უნივერსიტეტის ფილოსოფიის ფაკულტეტი ბაკალავრის დიპლომით. დაიცვა დისერტაცია თემაზე „ტაბუ და დანაშაული ჟორჟ ბატაის შემოქმედებაში“. 2011 წელს მწერლის რომანმა „იოუნი“ ევროკავშირის ლიტერატურული პრემია მიიღო.
