ისტორია

"ქართლის ცხოვრების" მესამე წიგნი, რომელიც აღწერს ვახტანგ გორგასლის მეფობას. მიეწერება VIII საუკუნის ქართველ ისტორიკოს ჯუანშერ ჯუანშერიანს.

არჩილ II-ის ისტორიული პოემა "გაბაასება თეიმურაზისა და რუსთველისა" ანუ "თეიმურაზიანი" თამარისა და თეიმურაზ I-ის ეპოქას ასახავს, რომელშიც მეფე-პოეტი საკუთარ პოზიციას პაექრობაში აფიქსირებს. წარმოადგენს ისტორიული პოემის პირველ ნიმუშს.

ამ ნაწარმოების სრული სახელწოდებაა "მოქცევა მირიან მეფისა და მის თანა ყოვლისა ქართლისა წმიდისა და ნეტარისა დედისა ჩუენისა ნინო მოციქულისა მიერ", რომელშიც მირიან მეფის მოქცევასთან ერთად მოთხრობილია ქართლში ნინო განმანათლებლის მიერ ქრისტიანობის გავრცელების ამბავი.  წარმოადგენს ქართლის ცხოვრების მე-2 წიგნს.

"ცხოვრება ქართველთა მეფეთა" ან "მეფეთა ცხოვრება" (შემოკლებული სახელწოდების მიხედვით) წარმოადგენს ძველი ქართული საისტორიო თხზულებათა კრებულის, "ქართლის ცხოვრების", პირველ წიგნს, რომელიც გადმოგვცემს ქვეყნის ისტორიას უძველესი დროიდან IV საუკუნის ბოლომდე.

"ჰამლეტი" ანუ სრული სახელწოდებით "ტრაგედია დანიის უფლისწულ ჰამლეტისა" არის უილიამ შექსპირის ყველაზე პოპულარული და გავლენიანი პიესა, დაწერილი 1599 და 1602 წლებს შორის, რომელშიც დრამატიზებულად არის გადმოცემული დანიის უფლისწულის შურისძიება მისი ბიძის - კლაუდიუსის წინააღმდეგ, რომელმაც საკუთარი ძმა, ჰამლეტის მამა - მეფე ჰამლეტი მოაკვდინა ტახტზე ასასვლელად და ძმის ქვრივი, ჰამლეტის დედა - გერტრუდა შეირთო ცოლად.

დიდი ქართველი გენერლის მოგონებები მოიცავს პერიოდს 1917-დან 1925 წლამდე და გადმოგვცემს უშუალო მონაწილის შთაბეჭდილებებს საქართველოს დამოუკიდებლობის პირველი წლების შესახებ და მისეულ ხედვას გასაბჭოებამდე ქვეყნის მისვლისა