რელიგია

წინამდებარე წიგნში დიმიტრი უზნაძე მოკლედ და პოპულარული ენით ხსნის მსოფლიოს ერთ-ერთი უმთავრესი რელიგიისა და არაბთა სახელმწიფოს ჩამოყალიბების მიზეზებს, ასევე, განმარტავს ზოგიერთ მუსულმანურ ადათსა და წესს.

წინამდებარე წიგნი გახლავთ მიხეილ თამარაშვილის ღრმა და ფუნდამენტური პასუხი სომეხ ისტორიკოსთა და ავტორთა თავდასხმებზე, რომლებიც ეჭვქვეშ აყენებდნენ საქართველოში კათოლიკეთა არსებობას და ზოგადად ქართველთა გვარტომობას.

თხზულებაში აღწერილია წმიდა აბიბოს ნეკრესელის ბრძოლა ცეცხლთაყვანისმცემელი სპარსელებთან,  მისი ღვაწლი ქრისტიანობის გავრცელებაში და მის ტანჯვა და მოკვდინება, რასაც ადგილი VI საუკუნეში ჰქონდა.

წინამდებარე ნაშრომი პირველი და მოკრძალებული მცდელობაა ქართულ ენაზე მართლმადიდებელი ეკლესიის ისტორიის გადმოცემისა. მასში გაეცნობით საინტერესო ისტორიულ მასალას, ასევე ტერმინოლოგიას, რომელიც ძველ დროს გამოიყენებოდა, ადათებს და მათი შესრულების წესებს.

კჯჰჯჰ

მეცნიერების, მაგიისა და რელიგიის დამუშავებისას, მალინოვსკიმ არსებითად მიიღო ტრადიციული დასავლური კონცეფცია ორმაგი რეალობის შესახებ, მაგრამ, მაგალითად, ფრეზერისგან განსხვავებით, მალინოვსკის მეცნიერება გამოაქვს არა მაგიიდან, არამედ ადამიანის ცოდნის ორგანიზების უნარიდან, რაც დემონსტრირებულია ტრობრიანის მკვიდრთა ტექნიკური უნარებით მებაღეობაში, გემთმშენებლობაში და ა.შ. საპირისპიროდ ამისა, ის განიხილავდა მაგიას, რომელიც ამ უნარებთან ერთად არსებობდა, როგორც ორგანიზებულ პასუხს შეზღუდულობისა და უძლურების განცდაზე საფრთხის, სირთულისა და იმედგაცრუების წინაშე.

წიგნში გაკრიტიკებულია მეცნიერ რიჩარდ დოკინსის მოსაზრებები ფილოსოფოს თომა აქვინელის 5 გზის შესახებ.

ევაგრე პონტოელის ასკეტურ შემოქმედებას დიდი ინტერესით იკვლევენ პატრისტიკული ლიტერატურის მკვლევრები საზღარგარეთის მრავალ ქვეყანაში. ძველი ქართული თარგმნითი ლიტერატურის კვლევა ამ მხრივ მეცნიერებას საინტერესო სიახლეებს პირდება. ამის დასტურია წინამდებარე პუბლიკაცია, რომლითაც მკითხველი პირველად გაეცნობა ევაგრე პონტოელის ერთ-ერთ უმნიშვნელოვანესი თხზულების - Antirrhtikos-ის აქამდე უცნობ ქართულ თარგმანს.

"ყურანი" ისლამის უმთავრესი რელიგიური ტექსტია, რომელიც, მუსლიმთა შეხედულებით, ღმერთის (ალაჰის) მიერ არის მუჰამედისთვის შეტყობინებული ქადაგებათა სახით ამ უკანასკნელის ზეშთაგონების მოემნტებში, რაც 610-დან 632 წლის ჩათვლით გრძელდებოდა. "ყურანის" ორიგინალის ენა არაბულია.

ამ გამოცემაში შევეცადე მოკლედ მიმომეხილა ის უსაფუძვლო ბრალდებები, რომელიც ისმის მასონების წინააღმდეგ, განსაკუთრებით რელიგიურ კონტექსტში და ასევე, წარმომედგინა პირადად ჩემი შეხედულებები, ისეთ საკითხებზე, როგორიც არის ადამიანის, მასონობის, რელიგიის და სახელმწიფოს ურთიერთკავშირი, თანხვედრა, თანაარსებობა და განსხვავებები. ეს მხოლოდ ჩემი, ერთ-ერთი ძმა - მასონის, მკვლევარის პირადი შეხედულებებია. წინამდებარე გამოცემაში ასევე განხილულია მაგია, როგორც რელიგიის წინაპარი, საინტერესო ანალიზია ბიბლიის, როგორც წმინდა კანონთა კრებულის, წარმოდგენილია მასონური ორდენის ისტორიის გარკვეული მონაკვეთი საქართველოს ისტორიიდან, ისევე, როგორც რელიგიის განვითარების ისტორიული ეტაპები საქართველოში.

"უპანიშად" ნიშნავს დაიხარო და დაჯდე. დაჯდე მასწავლებლის პირისპირ და გაირინდო, გახსნა ყური და გული, ხარბად ისმინო სიბრძნის სიტყვები და სვა ნექტარი უკვდავი ცოდნისა საკუთარი თავის შესახებ, და აღტაცებით თრთოდე ახალ აღმოჩენათა გამო. ცოცხალი სიბრძნის შეგნება მხოლოდ იმ გონებით შეიძლება, რომელიც გათავისუფლებულია ყველა მიბმულობისა და სიძულვილისაგან, ეგოიზმისა და საკუთრების გრძნობისაგან. როდესაც გულის ტბა ყლარტის ბლანტი ფენისაგან გასუფთავდება, "მე" მთელი თავისი პირველარსებული ჩინებულებით გაბრწყინდება. ის, ვინც თავისი თავი ჰპოვა, თაყვანისცემის ღირსია, რადგან ჭეშმარითად განთავისუფლებულია. იგი იმას შეერწყა, ვისი შეცნობაც და ვისი საკუთარ თავში გახსნაც ასე სწყუროდა.

ეს წიგნი იუდაიზმის ერთ-ერთი შედარებით გვიან წარმოშობილი მიმართულების, ხასიდიზმის, შესახებაა. მასში განხილულია ხასიდების რწმენა და ყოფა, მოცემულია ხასიდური გამონათქვამებისა და აფორიზმების თარგმანი და განხილულია ე.წ. "ციმცუმის" იდეა.

იაკობ გოგებაშვილი შეკუმშული და ბავშვებისთვის გასაგები ფორმით გადმოგვცემს ძველი აღთქმის ამბებს, დაწყებული სამყაროს შექმნითა და იუდა მაკაბელით დასრულებული.

"იუდას სახარება" არის გნოსტიკური ტექსტი, რომელიც იესოსა და იუდა ისკარიოტელს შორის დიალოგისგან შედგება. მიჩნეულია, რომ ტექსტი შექმნილია მეორე საუკუნის გნოსტიკოსი ქრისტიანებისა და არა თვით იუდა ისკარიოტელის მიერ. ერთადერთი ორიგინალი კოპტურ ენაზეა შემონახული. წინამდებარე თარგმანი შესრულებულია ინგლისურიდან.

"ტიბეტური სახარება" - ეს არის აპოკრიფული ტექსტი, რომელიც თითქოს 1887 წელს იქნა აღმოჩენილი და, რომლის მიხედვით, იესო ქრისტე, სანამ პალესტინაში შუდგებოდა ქადაგებას, ტიბეტსა და ინდეოთში ცხოვრობდა. მოცემული ტექსტის ორიგინალების არსებობა არ არის დადასტურებული.

"ახალი აღთქმა" ქრისტიანული სარწმუნოების ორიდან ერთ-ერთი უმთავრესი ტექსტია, რომელშიც იესო ქრისტეს ცხოვრება და მოძღვრებაა გადმოცემული სახარებების სახით. გარდა საკუთრივ სახარებებისა, ტექსტი ასევე მოიცავს "მოციქულთა საქმეებს", "კათოლიკე ეპისტოლეებსა" და "იოანეს გამოცხადებას".