iBooks.Ge - ელექტრონული წიგნების ონლაინ მაღაზია
შემოგვიერთდით:
კატეგორიები
ჟანრი

ფილოსოფია

სორტირება:

ამერიკელი ფსიქიატრი და ბჰაგავან შრი სატია საი ბაბას ერთგული თაყვანისმცემელი, სემუელ სენდვაისი მკითხველისთვის ცნობილია წიგნის - "საი ბაბა: წმინდანი და ფსიქიატრი" - მეშვეობით. ახალ წიგნში იგი საი ბაბასთან თავისი ურთიერთობის გამოცდილებას გვიზიარებს, მოგვითხრობს, ბაბას სწავლებამ რა გავლენა მოახდინა მის სამედიცინო პრაქტიკაზე, მთელი მისი ოჯახის ცხოვრებაზე, მსჯელობს ზოგადსაკაცობრიო და სულიერ ღირებულებებზე და ადამიანურ ურთიერთობათა პრობლემებზე. წიგნი დაწერილია ცოცხალი და გასაგები ენით, სავსეა ნათელი და საინტერესო მაგალითებით. წიგნი განკუთვნილია იმ მკითხველთა ფართო წრისათვის, რომლებიც საკუთარი თავის გაგებასა და სრულყოფას ცდილობენ.

"უპანიშად" ნიშნავს დაიხარო და დაჯდე. დაჯდე მასწავლებლის პირისპირ და გაირინდო, გახსნა ყური და გული, ხარბად ისმინო სიბრძნის სიტყვები და სვა ნექტარი უკვდავი ცოდნისა საკუთარი თავის შესახებ, და აღტაცებით თრთოდე ახალ აღმოჩენათა გამო. ცოცხალი სიბრძნის შეგნება მხოლოდ იმ გონებით შეიძლება, რომელიც გათავისუფლებულია ყველა მიბმულობისა და სიძულვილისაგან, ეგოიზმისა და საკუთრების გრძნობისაგან. როდესაც გულის ტბა ყლარტის ბლანტი ფენისაგან გასუფთავდება, "მე" მთელი თავისი პირველარსებული ჩინებულებით გაბრწყინდება. ის, ვინც თავისი თავი ჰპოვა, თაყვანისცემის ღირსია, რადგან ჭეშმარითად განთავისუფლებულია. იგი იმას შეერწყა, ვისი შეცნობაც და ვისი საკუთარ თავში გახსნაც ასე სწყუროდა.

ამ წიგნში თავმოყრილია გამონათქვამები სატია საი ბაბას საუბრებიდან, რომლებიც მიძღვნილია თვითშემეცნებისა და ღმერთის შეცნობის ხელოვნებას. ადამიანთა უმრავლესობას, რომელიც თავისი ბედითა და ცხოვრებით უკმაყოფილოა, უნარი არ აქვს რაიმე შეცვალოს. ასეთ ადამიანებს შემოქმედებითი ენერგია არ ყოფნით. თვითშემეცნება გასაღებს წარმოადგენს შემოქმედებითი ენერგიის განვითარებისთვის. 

კანტის ფუნდამენტურ ნაშრომს "რელიგია მხოლოდ გონების საზღვრებში" უდიდესი მნიშვნელობა აქვს დასავლური რელიგიური აზრის ისტორიაში. ის წარმოადგენს დიდი ფილოსოფოსის მცდელობას, განმარტოს ფორმა და შინაარსი ისეთი სახის რელიგიისა, რომელიც მორალურ გონებაზე იქნებოდა დაფუძნებული და ეთიკური ცხოვრების მოთხოვნებს უპასუხებდა. ნაშრომი მოიცავს კრიტიკულ და თამამ დისკუსიებს თემებზე, რომლებიც არცთუ ხშირად განიხილება ფილოსოფოსების მიერ, როგორიცაა პირველყოფილი ცოდვა და ცოდვილთა ხსნა.

წინამდებარე ესსეი, რომელიც 1784 წელს გამოქვეყნდა, ცხრა თეზისისგან შედგება, რომელთა მეშვეობით კანტი ცდილობს დაამტკიცოს თავისი შეხედულება იმის შესახებ, რომ რაციონალური და მორალური ავტონომია გარდაუვლად დაამარცხებს ეგოისტური ინდივიდუალიზმის მოძალადეობას.

ეს წიგნი იუდაიზმის ერთ-ერთი შედარებით გვიან წარმოშობილი მიმართულების, ხასიდიზმის, შესახებაა. მასში განხილულია ხასიდების რწმენა და ყოფა, მოცემულია ხასიდური გამონათქვამებისა და აფორიზმების თარგმანი და განხილულია ე.წ. "ციმცუმის" იდეა.

ნაშრომში განხილულია ტიგროსსა და ევფრატს შორის მოსახლე ძველი ხალხების - შუმერელთა და აქადელთა (ასურელ-ბაბილონელთა) მითოლოგიური წარმოდგენები, მათი შეხედულება სამაყროსა და მისი წარმოშობის შესახებ, ადამიანის შექმნა, მისი ფუნქცია, ცივილიზაცია, წარღვნის მითოსი და სხვა.

მკითხველის წინაშეა რუდოლფ შტაინერის წიგნი „აკაშა-ქრონიკიდან“, რომელიც წარმოადგენს ანთროპოსოფიული სულისმეცნიერების ერთ-ერთ ფუნდამენტურ ნაშრომს. მასში აღწერილია სამყაროსა და კაცობრიობის განვითარება დასაბამიდან ვიდრე „აღსასრულადმდე სოფლისა“ და ადამიანი, როგორც მისი ცენტრალური მოვლენა. ეს არის წიგნის მეორე შევსებული და სრული თარგმანი.

აკაშა - ქრონიკიდან
2.55ლარი

აკაშა - ქრონიკიდან

რუდოლფ შტაინერი

  • Star
  • Star
  • Star
  • Star
  • Star

წიგნში – „ადამიანის გზა თვითშემეცნებისკენ“, მოცემულია სულიერი სამყაროს შემეცნებისკენ სავალი გზა, რომელიც მთლიანად ეფუძნება ადამიანის არსების შესახებ სულისმეცნიერულ შემეცნებას. მასში აღწერილია პირველი მშვინვიერი განცდები სულიერების მაძიებელი მოწაფისა, რომელმაც თავისი მთვლემარე შემეცნებითი უნარები განავითარა ამ წიგნში აღწერილი კონცენტრაციისა და მედიტაციის მეშვეობით.

მკითხველის წინაშეა რუდოლფ შტაინერის ლექციების ციკლი „ეზოთერული ქრისტიანობა და კაცობრიობის სულიერი წარმმართველობა“. ციკლს ერთვის მარია შტაინერის წინასიტყვაობა და ქმნის განსაკუთრებულ სულიერ განწყობას. ციკლის ცალკეული ლექციები ჩატარდა სხვადასხვა ქალაქში, მაგრამ ისინი თემატურად იყო გაერთიანებული. ამის გამო ზოგიერთი თემა მეორდება, მაგრამ სხვადასხვა კუთხით, რაც იძლევა სიღრმისეული გააზრების შესაძლებლობას. 

წინამდებარე ციკლთან დაკავშირებით 1910 წლის მარტში თეოსოფიური საზოგადოების ჰამბურგის შტომ გაავრცელა საინფორმაციო წერილი, სადაც დაწვრილებით არის აღწერილი ციკლის ძირითადი თემები, რომელიც მკითხველს რეალურ წარმოდგენას შეუქმნის ამ ციკლის შინაარსზე: „ამა წლის 15-28 მაისს ჰამბურგში რუდოლფ შტაინერი წაიკითხავს მოხსენების ციკლს თემაზე: „კარმის გამოცხადებები“

ესსეები "თვითმკვლელობისათვის" და "სულის უკვდავებისათვის" კითხვის ნიშნის ქვეშ აყენებენ მარადიულ არსებობას და ადამიანის დამოკიდებულებას ღვთიურ ნებაზე, ხაზს უსვამენ ნების თავისუფლების მნიშვნელობას და წინასწარ ჭვრეტენ დოქტრინებს, რომლებიც მომავალში კანტისა და ჰეგელის შრომებში თანამედროვე აზროვნებას ჩამოაყალიბებენ.

"ონტოლოგიის ახალი გზების" მთავარი ამოცანა ურთიერთდამოკიდებულებისა და ურთიერთკავშირების გაანალიზებაა. ჰარტმანისათვის, რომლის იდეები თანამედროვე სოციალურ მეცნიერებათა კვლევასთან გვაახლოვებს, ონტოლოგია - ნეიტრალური კატეგორიაა, რომელიც სუბიექტსა და ობიექტს მოიცავს და სცდება, როგორც ძველი რეალიზმის, ისე თანამედროვე იდეალიზმის ფარგლებს.

Resurgam-ი 2019 წლის ზაფხულში დაიწერა,ზუსტად სამ თვეში,შემდეგ რა თქმა უნდა,მომიწია რედაქტირება. თავად დავუკავშირდი მწერალ, საზოგადო მოღვაწეს, ბატონ რომან ზუკაკიშვილს, რომელმაც არაერთი რჩევა მომცა, რაც ძალიან დამეხმარა. ვეცადე საინტერესო გამოსულიყო მკითველისთვის. ვფიქრობ, ჩემი პატარაობის ოცნება ნელ-ნელა ხდება, რაც ძალიან მახარებს. Resurgam - კვლავ აღვდგები შეესაბამება წიგნის დასასრულს,რომ სიკვდილის შემდეგ სიცოცხლე არსებობს...

Resurgam
5.00ლარი

Resurgam

ელენე სიჭინავა

  • Star
  • Star
  • Star
  • Star
  • Star

"კაპიტალის" პირველი ტომის ამ ნაკვეთში კარლ მარქსი საქონლის ორ ფაქტორს, შრომის ორად ხასიათსა და ღირებულების ფორმებს იკვლევს.

ჰეგელის "ესთეტიკა" ის ნაშრომია, რომელშიც ავტორი სრულად გამოხატავს ხელოვნების ფუძემდებლურ თეორიას. პირველ ნაწილში განხილულია მშვენიერის ზოგადი ბუნება, როგორც სულიერი გამოცდილებისა; ჰეგელი განასხვავებს ხელოვნების მშვენიერსა და ბუნებრივ მშვენიერს და მხატვრული გენიისა და ორიგინალობის ხასიათს იკვლევს.