წიგნები

ამ წიგნით მსურს ტაძრელთა - ტამპლიერთა ორდენის ისტორიას უფრო ვრცლად დავუთმო ქართულენოვანი მკითხველის ყურადღება, უფრო ღრმა კვლევა და ანალიზი წარმოგიდგინოთ, ძვირფასო მკითხველო, ამ საინტერესო, საიდუმლოებით მოცულ და გავლენიან რაინდთა ორდენზე, რომელსაც ჩემი ღრმა რწმენით საკუთარი არსებობა მე-14 საუკუნეში ნამდვილად არ შეუწყვეტია და დღესაც აქტიურად მოღვაწეობს. შევეცდები ლაკონურად, მაქსიმალურად მარტივად და ამომწურავად წარმოგიდგინოთ, როგორც ორდენის ისტორია, ასევე ანალიზი იმისა, თუ რა მოხდა წარსულში და რა ვითარებაა დღეს ამ ორდენთან მიმართებით.

ამ გამოცემაში შევეცადე მოკლედ მიმომეხილა ის უსაფუძვლო ბრალდებები, რომელიც ისმის მასონების წინააღმდეგ, განსაკუთრებით რელიგიურ კონტექსტში და ასევე, წარმომედგინა პირადად ჩემი შეხედულებები, ისეთ საკითხებზე, როგორიც არის ადამიანის, მასონობის, რელიგიის და სახელმწიფოს ურთიერთკავშირი, თანხვედრა, თანაარსებობა და განსხვავებები. ეს მხოლოდ ჩემი, ერთ-ერთი ძმა - მასონის, მკვლევარის პირადი შეხედულებებია. წინამდებარე გამოცემაში ასევე განხილულია მაგია, როგორც რელიგიის წინაპარი, საინტერესო ანალიზია ბიბლიის, როგორც წმინდა კანონთა კრებულის, წარმოდგენილია მასონური ორდენის ისტორიის გარკვეული მონაკვეთი საქართველოს ისტორიიდან, ისევე, როგორც რელიგიის განვითარების ისტორიული ეტაპები საქართველოში.

თქვენს წინაშეა ქართველი მასონის, სოლომონ ასურელის ნაშრომი „მასონობა და უძველესი მისტერიები“, გაგრძელება ციკლის, რომელიც მოკლედ მოგითხრობთ მასონურ ტრადიციების პარალელურად კაცობრიობის ისტორიაში აღმოცენებულ მისტერიების - კაბალას, სუფიზმისა და თეოსოფიის შესახებ. აღნიშნული გამოცემა მიუკუთვნება „მიწა“-ს, წიგნი მესამე. როგორც წინა გამოცემებში, ვეყრდნობი პირად ცოდნასა და გამოცდილებას, შეხედულებებს, რომელიც პირადად მივიღე ემპირიული თუ თეორიული ცოდნის მიღებისას, სხვადასხვა ავტორიტეტულ წყაროზე დაყრდნობით. 

თქვენს წინაშეა ქართველი მასონის, სოლომონ ასურელის ნაშრომი „მასონობა და ოკულტიზმი“, გაგრძელება ციკლის, რომელიც მოკლედ მოგითხრობთ მასონურ ტრადიციებზე, ოკულტიზმზე, ეზოთერიკულ კვლევებზე და ცოდნაზე, მარტინისტთა ორდენის აღმოცენებაზე, ჰერმეტიკულ საზოგადოებებზე მათ განვითარების ისტორიას და სხვადასხვა მოვლენის ურთიერთკავშირს ისტორიულ და ორგანიზაციულ ჭრილში. ჩემი წიგნების ციკლი დავყავი ოთხი მიმართულებით - „მიწა“, „ჰაერი“, „წყალი“ და „ცეცხლი“, თითოეულში კი 3 ნაწილია. ჩვენს საზოგადოებაში, მრავალი ობიექტური მიზეზის გამო, ამ წიგნებში აღწერილ საკითხებზე ცოდნა საკმაოდ ბუნდოვანია ან მცდარი. შესაბამისად, ვცდილობ მოკლედ, მაგრამ ნათლად წარმოვაჩინო რიგი საკითხები, თემები, რომელთა ცოდნა და ანალიზი აუცილებელია, ყველა განათლებული, კულტურული და განვითარებული ადამიანისთვის.

მე-18 საუკუნის დასაწყისში ლონდონში ფუნქციონირებდა ფრანგული მასონური ლოჟაც, რომლის წევრები ძირითადად შოტლანდიელები, ირლანდიელები და ფრანგები იყვნენ, მათ შორის გახლდათ შოტლანდიელი ჯეიმს ანდერსონი. სწორედ მას, მე-18 საუკუნის დასაწყისში ინგლისის პირველი დიადი ლოჟის დიადმა ოსტატმა სთხოვა და დაავალა მასონური ორდენის განვითარების ისტორიის, მასონობის პრინციპებისა და წესების, ტრადიციების წიგნი დაეწერა. შედეგად, დაიბადა „კონსტიტუციის წიგნი“, რომელიც პირველად 1723 წელს გამოიცა ინგლისურ და შემდგომ ფრანგულ ენაზე.

თქვენს წინაშეა ქართველი მასონის, სოლომონ ასურელის მცირე ნაშრომი „მასონობა და ეზოთერიკა“, რომელშიც მოკლედ მოგითხრობთ მასონურ ეზოთერულ ტრადიციებზე, მ.შ. წმინდა გეომეტრიის არსზე, ეზოთერიკულ კვლევებზე და ცოდნაზე, და სხვა მრავალ საინტერესო ეპიზოდს საძმოს და კაცობრიობის ისტორიიდან. მსურს, მადლობა გადავუხადო საქართველოს დიად ლოჟას და ყველა ჩვენს ძმას, იმისათვის, რომ ვგრძნობთ მათ არსებობას, სიყვარულს და მხარდაჭერას! ეს წიგნი - მცირედი ბროშურა, როგორც მე ვუწოდებ ჩემს ნაშრომებს, განეკუთვნება როგორც მასონ ძმებს, ასევე, საინტერესო იქნება პროფანებისთვის. მასონური ორდენის არსის გასაგებად მნიშვნელოვანია სხვადასხვა საზოგადოების, ორდენის, აზროვნების ფილოსოფიის და რიგი ინდივიდების ცხოვრების შესწავლა.

„მასონური საიდუმლოს ფესვები“ არის ქართველი მასონი ავტორის სოლომონ ასურელის საქართველოს ისტორიაში პირველი ქართულენოვანი ორი გამოცემის (2010 - 2012) - „მასონები - საიდუმლო საძმო თუ საძმო საიდუმლოებებით“ და „მასონური საიდუმლოს ფესვები - სინათლის ძიებაში“ გაერთიანებული, ჩასწორებული, ჰარმონიზებული და დამატებული ვერსია - კრებული, რომელშიც ქართველი მასონის რეალური ამბავია გადმოცემული. ამ წიგნში მასონური საძმოს ისტორიას, ორდენის რიტუალების და სიმბოლიკის ზოგად განმარტებებსა და მასონური ფილოსოფიის საფუძვლებს წარმოგიდგენთ.

ანარქიზმით გატაცების პერიოდში შექმნილი თხზულება მომავალი საზოგადოების ფორმირების ნაბიჯებს განსაზღვრავს, რაც სრულად უარყოფს რაიმე სახის თანამშრომლობასა და მონაწილეობის მიღებას სახელმწიფოებრივ ცხოვრებაში და, აქედან გამომდინარე, ძალმომრეობითი რევოლუციის კონცეფციას გვთავაზობს.

"გოთას პროგრამის კრიტიკა" არის დოკუმენტი, დაფუძნებული კარლ მარქსის 1875 წლის წერილზე გერმანიის სოციალ-დემოკრატიული მუშათა პარტიისათვის, რომელთანაც მარქსი და ენგელსი ახლო ურთიერთობაში იყვნენ. დოკუმენტი გოთაში გასამართ ყრილობაზე განსახილველი საკითხების კრიტიკას წარმოადგენს; მას თან ერთვის მარქსის და ენგელსის წერილები.

დოკუმენტების საფუძველზე შექმნილი ისტორია ქართული ეკლესიისა მნიშვნელოვანი ნაშრომი იყო საქართველოში ქრისტიანობის გავრცელებისა და ეკლესიის, როგორც ინსტიტუტის, განვითარების გააზრებისთვის, და მნიშვნელოვანია დღესაც.

ეს მცირე ზომის წიგნი გახლავთ არისტოტელეს ნაწარმოების ქართულად თარგმნის პირველი მცდელობა, შესრულებული თეიმურაზ ბატონიშვილის მიერ XIX საუკუნის პირველ ნახევარში, სადაც არისტოტელეს ეთიკური შეხედულებების მცირე მონახაზია მოცემული.

წიგნში შესწავლილია აგიოგრაფიის სპეციფიკა, მისი როლი და ადგილი ქართულ სულიერ კულტურაში; IV-XI საუკუნეების ქართული აგიოგრაფიული ლიტერატურის ძეგლები გაანალიზებულია რელიგიურ-დოგმატური და მხატვრულ-ესთეტიკური ასპექტებით. ეს წიგნი გამიზნულია ჰუმანიტარულ მეცნიერებათა ფაკულტეტების, სასულიერო სემინარია-აკადემიების სტუდენტების, მასწავლებლების, მკვლევ- რებისა და ქართული საეკლესიო მწერლობით დაინტერესებულ მკითხველთა ფართო წრისათვის.

რომანი „ღამის ხმები“ ანატოლიაში მცხოვრები მდიდარი ორთაჩლიების ოჯახური საგაა, რომელიც მოიცავს ოთხი თაობის ისტორიას. მოქმედება ძირითადად ვითარდება ანატოლიაში, ბოზოვას მამულში, მე-20 საუკუნის 20-იანი წლებიდან 2000-იანი წლების დასაწყისამდე. რომანი თავიდანვე დიდი ინტერესით მიიღო მკითხველმა, თუმცა ბოლო წლებში აიშე ქულინმა გაიზიარა ელიფ შაფაქის ბედი და გამოუჩნდა კრიტიკოსებიც, რომლებიც მწერალს პედოფილიის ამსახველი მომენტების გამო მწვავედ აკრიტიკებდნენ.

წინამდებარე კრებულში იოანე ბატონიშვილი შეკუმშული ფორმით გადმოგვცემს კახეთის, ქართლის, იმერეთისა და ოდიშის თავად-აზნაურთა წარმომადგენლების გვარებს და მათ მოკლე ისტორიას.

შარლ-მარი გუსტავ ლე ბონ (07.05.1841-13.12.1931) - ფრანგი ფსიქოლოგი, სოციოლოგი, ანთროპოლოგი, არქეოლოგი, ექიმი, ფიზიკოსი და გამომგონებელი

წინამდებარე მცირე ზომის ესსეით ივანე ჯავახიშვილი შეკუმშული ახით გადმოსცემს ილია ჭავჭავაძის დამოკიდებულებას ისტორიის შესწავლისადმი და იმ ძირითად მომენტებს, რაზეც დიდი ქართველი მოღვაწე ამახვილებდა თავის ყურადღებას.