წიგნები

ჰემინგუეის ერთ-ერთი ყველაზე კარგად ცნობილი მოთხრობა, რომელშიც სიკვდილის გარდუვალობა მარტივი და ბანალური სცენების მეშვეობით არის დემონსტრირებული.

მკითხველთა მცირე ნაწილმა თუ იცის, რომ ტომ სოიერისა და ჰეკლბერი ფინის თავგადასავლებთან ერთად მარქ ტვენი გახლავთ ავტორი მრავალი ნაწარმოებისა, რომლებიც რელიგიურ თემებს ეხება. მათ შორისაა "წერილები დედამიწიდან" - სარკასტულ სტილში შექმნილი თხზულება, რომელშიც ავტორი აბუჩად იგდებს ქრისტიანობას და ქრისტიანულ მორალს, როგორც თეოლოგიური, ისე ცხოვრებისეული პოზიციებიდან. ნაწარმოების შინაარსიდან გამომდინარე, მისი გამოქვეყნება მწერლის სამშობლოში პირველად 1962 წელს მოხერხდა.

ლუიჯი პირანდელოს ერთ-ერთი ყველაზე ცნობილი პიესა, რომელიც აბსურდისტულ სტილში ასახავს ურთიერთობას ავტორსა და პერსონაჟებს შორის. დაწერილია 1921 წელს, იმავე წელს შედგა პიესის სასცენო პრემიერა. ქვეყნდება იტალიურად.

გალაკტიონის, ირაკლი ყანჩელის, ს. ერთაწმინდელის პოეზია, გოეთეს თარგმანი, წერილები, მოთხრობები, სიახლეები გალაკტიონ ტაბიძის ჟურნალის მეოთხე ნომერში. გამოცემულია 1922 წლის 24 დეკემბერს.

"დაკვირვებანი წმინდა იოანეს აპოკალიფსისზე" მეორე ნაწილია წიგნისა (პირველი, "დაკვირვებანი დანიელის წინასწარმეტყველებებზე" წლის დასაწყისში გამოიცა), რომელშიც ავტორი, მისი აზრით უკვე განხორციელებულ წინასწარმეტყეველებათა ახსნის გზით, ცდილობს მომავლის მოვლენათა განჭვრეტას.

მოთხრობაში აღწერილია სამყაროს პირველი ქრისტიანი იმპერატორის - კონსტანტინე დიდის ცხოვრება, მისი მოქცევა ქრისტეს რჯულზე, ამ მოვლენის მიზეზები და აქედან გამომდინარე ფსიქოლოგიური შედეგი გარშემომყოფთათვის.

გალაკტიონის, გ. აგარელის, ბაბილინას, ს. ერთაწმინდელის, ნარკანის პოეზია, გოეთეს თარგმანი, წერილები, სიახლეები გალაკტიონ ტაბიძის ჟურნალის მესამე ნომერში. გამოცემულია 1922 წლის 17 დეკემბერს.

კრებულში შესულია ტიციანის ანტისაბჭოთა პათოსით გამსჭვალული ლექსები, პატრიოტულ მოტივზე შექმნილი პოეტური ნაწარმოებები და ლირიკული თხზულებები.

კრებული

გალაკტიონ ტაბიძის ჟურნალის პირველი ნომერი გამოვიდა 1922 წლის 3 დეკემბერს. მასში იხილავთ არაერთ მიძღვნას გალაკტიონისადმი, თავად გალაკტიონის ლექსებს, ი. ვართაგავას, ვ. წილოსანის, ნ. ზედგინიძის სტატიებსა და წერილებს და კიდევ მრავალ საინტერესო მასალას.

ჩვენ იშვიათად ვხვდებით მათ, ვინც გვიყვარს და მუდამ ცალ-ცალკე. რა ბედნიერება იქნებოდა, რომ შეგვეძლოს ყველას ერთად შეყრა! მარინა ქარცივაძემ ეს შეძლო და შეხვედრის ადგილიც შესანიშნავი აირჩია - კაფე "პარნასი". ამ მახვილგონიერი პოემის მთავარი ღირსება სიყვარულია: ლიტერატურის, მწერლების, პერსონაჟების, მუსიკის. ყველა ერთად ლხინობს კაფე პარნასში და ჩვენებიც აქ არიან, როგორც ამ დიდი დღესასწაულის ნაწილი. კაფე პარნასში ქართველი მწერლები და მარინა ქარცივაძე კაცობრიობის საუკეთესო შვილებს, მათ შექმნილ პერსონაჟებს და შთაგონების წყაროებს მასპინძლობენ. შემოგვიერთდით! არჩილ ქიქოძე

"ქვათა ღაღადი" ქართულ ენაზე შექმნილი ერთ-ერთი უმნიშვნელოვანესი ისტორიულ-პუბლიცისტური ნაწარმოებია, რომელიც სომეხ და რუს ფსევდო-მეცნიერთა უსაფუძვლო თავდასხმების არიდების ფონზე ქართველთა წარმოშობის იდეას აყალიბებს.

"მოგონებანი" 1936 წელს დაიწერა და მასში ასახულია მეცხრამეტე საუკუნის 70-90-იან წლებში მომხდარი მნიშვნელოვანი ისტორიულ-სოციალური და კულტურულ-ლიტერატურული მოვლენები.

ემიგრანტი ქართველი მწერლის ნოსტალგიური რომანი ერთ-ერთი უმნიშვნელოვანესი მხატვრული ნაწარმოებია მე-20 საუკუნის ქართულ ლიტერატურაში. დაბრუნების იდეა, რასაც მწერალი პოლიტიკური ემიგრაციის შემდეგ მწვავედ განიცდიდა, სწორედ "გველის პერანგში" ხორციელდება ვირტუალურად. უაღრესად მაღალი ოსტატობით შესრულებული თხზულება არც ერთ ქართველ მკითხველს არ დატოვებს გულგრილს.

ქართული ჰაგიოგრაფიის მე-6 წიგნში შესულია ასურელი მამების - აბიბოს ნეკრესელისა და იოანე ზედაზნელის ცხოვრება, დავით გარეჯელის ცხოვრება, საქართველოს ეკლესიის წმინდანის - სერაპიონ ზარზმელის ცხოვრება, და VI საუკუნის საეკლესიო მოღვაწეების - შიოსა და ევაგრეს ცხოვრება.

დიდი ბრიტანელი ფილოსოფოსი წინამდებარე ესსეთი ხსნის "ქრისტიანის" ცნებას, ასევე იმას, თუ რატომ არ სწამს ღმერთი და უკვდავება, აკრიტიკებს ღმერთის არსებობის სხვადასხვა არგუმენტებს და ეჭვქვეშ აყენებს იესოს ისტორიულ არსებობას. ქართულ ენაზე ქვეყნდება პირველად.