წიგნები

იან ფლემინგმა თავისი პირველი რომანის, „კაზინო როიალის“ ხელნაწერი 1952 წელს გაუგზავნა პოლ გოლიკოს, რომელსაც “სანდი ტაიმსიდან” იცნობდა, და გოლიკო ბედნიერი იყო ჯეიმს ბონდისთვის პირველი ლიტერატურული შეფასება მიეცა: „წიგნი - ნოკაუტი“.

კრებულში შესულია ტიციანის ანტისაბჭოთა პათოსით გამსჭვალული ლექსები, პატრიოტულ მოტივზე შექმნილი პოეტური ნაწარმოებები და ლირიკული თხზულებები.

გალაკტიონის, გ. აგარელის, ბაბილინას, ს. ერთაწმინდელის, ნარკანის პოეზია, გოეთეს თარგმანი, წერილები, სიახლეები გალაკტიონ ტაბიძის ჟურნალის მესამე ნომერში. გამოცემულია 1922 წლის 17 დეკემბერს.

მოთხრობაში აღწერილია სამყაროს პირველი ქრისტიანი იმპერატორის - კონსტანტინე დიდის ცხოვრება, მისი მოქცევა ქრისტეს რჯულზე, ამ მოვლენის მიზეზები და აქედან გამომდინარე ფსიქოლოგიური შედეგი გარშემომყოფთათვის.

"დაკვირვებანი წმინდა იოანეს აპოკალიფსისზე" მეორე ნაწილია წიგნისა (პირველი, "დაკვირვებანი დანიელის წინასწარმეტყველებებზე" წლის დასაწყისში გამოიცა), რომელშიც ავტორი, მისი აზრით უკვე განხორციელებულ წინასწარმეტყეველებათა ახსნის გზით, ცდილობს მომავლის მოვლენათა განჭვრეტას.

გალაკტიონის, ირაკლი ყანჩელის, ს. ერთაწმინდელის პოეზია, გოეთეს თარგმანი, წერილები, მოთხრობები, სიახლეები გალაკტიონ ტაბიძის ჟურნალის მეოთხე ნომერში. გამოცემულია 1922 წლის 24 დეკემბერს.

ლუიჯი პირანდელოს ერთ-ერთი ყველაზე ცნობილი პიესა, რომელიც აბსურდისტულ სტილში ასახავს ურთიერთობას ავტორსა და პერსონაჟებს შორის. დაწერილია 1921 წელს, იმავე წელს შედგა პიესის სასცენო პრემიერა. ქვეყნდება იტალიურად.

მკითხველთა მცირე ნაწილმა თუ იცის, რომ ტომ სოიერისა და ჰეკლბერი ფინის თავგადასავლებთან ერთად მარქ ტვენი გახლავთ ავტორი მრავალი ნაწარმოებისა, რომლებიც რელიგიურ თემებს ეხება. მათ შორისაა "წერილები დედამიწიდან" - სარკასტულ სტილში შექმნილი თხზულება, რომელშიც ავტორი აბუჩად იგდებს ქრისტიანობას და ქრისტიანულ მორალს, როგორც თეოლოგიური, ისე ცხოვრებისეული პოზიციებიდან. ნაწარმოების შინაარსიდან გამომდინარე, მისი გამოქვეყნება მწერლის სამშობლოში პირველად 1962 წელს მოხერხდა.

ჰემინგუეის ერთ-ერთი ყველაზე კარგად ცნობილი მოთხრობა, რომელშიც სიკვდილის გარდუვალობა მარტივი და ბანალური სცენების მეშვეობით არის დემონსტრირებული.

გალაკტიონის, ტერენტი გრანელის, გობრონ აგარელის პოეზია, ვ, დონდუას მიერ გოეთს თარგმანის გაგრძელება, წერილები საქართველოს მხატვრობისა და თეატრის შესახებ. გამოშვების თარიღი: 01.01.1923.

ძველი ნაცნობების შეხვედრა, ერთ სივრცეში განვითარებული მოვლენები, რომლებიც უამრავ კითხვას წარმოშობს, წარსულის გახსენება, და მთავარი კითხვა, რომელიც თანამედროვე სამყაროში პრაქტიკულად ყველა ადამიანს ეხება - ასეთია მოკლე მონახაზი დიმიტრი უჩანეიშვილის ახალი პიესისა "ოთახში."

წინამდებარე კრებულში შესულია ილიას მოსაზრებები საბანკო ბიზნესის მოწყობასა და ბანკის სტრუქტურასთან დაკავშირებით, მისი შეხედულებები სხვადასხვა სახის საბანკო-შემნახველი საზოგადოებების შესახებ, საგლეხო ბანკის საკითხი და ამასთან დაკავშირებული კამათი ისეთ საზოგადო მოღვაწეებთან, როგორებიც იყვნენ ნიკო ნიკოლაძე და აკაკი წერეთელი. ბონუსის სასხით გთავაზობთ ილიას პოლემიკას ნოე ჟორდანიასთან საბანკო და სხვა საზოგადოებრივ საკითხებზე.

"ვეფხისტყაოსნის ღმრთისმეტყველება" ვიქტორ ნოზაძის მიერ "ვეფხისტყაოსნის" მრავალასპექტოვანი კვლევის შედეგად შექმნილი ექვსი მონუმენტური ტომის მეხუთე ნაწილია, რომელიც 1963 წელს საფრანგეთში გამოიცა. იგი "ვეფხისტყაოსნის" რელიგიურ-სარწმუნოებრივ საკითხებს იკვლევს.

"ოსთა ჩამოსახლება" მცირე ისტორიული ექსკურსია მე-14-მე-16 სს. საქართველოში და წარმოადგენს საქართველოში ოსთა ჩამოსახლება-დამკვიდრების ხელშემწყობ მიზეზთა განსაზღვრის მცდელობას.

"საქართველოს საზღვრები" არის 1919 წლის კონსტანტინეპოლის კონფერენციისთვის მომზადებული კვლევა, რომელიც ისტორიულ ჭრილში განიხილავს საქართველოს საზღვრებს, მათ წინაშე არსებულ საფრთხეებს და სამომავლო პერსპექტივას. ხაზგასმულია კონკრეტული ჯგუფების მიერ საზღვრის და, შესაბამისად, საქართველოს სუვერენიტეტის ხელყოფის გამჟღავნებული სურვილი და მათი დამადასტურებელი ფაქტები.

"ქრისტე" არის ჯონ რემსბერგის ერთ-ერთი ყველაზე კარგად ცნობილი ნაშრომი, რომელიც სახარების ფუნდამენტურ კრიტიკას გვთავაზობს. ნაშრომში პუნქტობრივად არის განხილული ახალი აღთქმის მთავარი პერსონაჟის ცხოვრება და ჩამოყალიბებულია მისი ისტორიული არარსებობის დოქტრინა. წინამდებარე ტექსტი ამ წიგნის პირველი თარგმანია პოსტსაბჭოთა სივრცეში.