წიგნები

„ბჰაგავად-გიტა, როგორც ასეთი“ წიგნზე განუზომლად მეტია. იგი „გიტას“ ყველაზე გავრცელებული გამოცემაა დასავლეთის ქვეყნებში. მასში თავმოყრილია ცოდნაც და ღვთისადმი ერთგულებაც; ამიტომაც შესწევს უნარი, უკეთესობისაკენ შეცვალოს ადამიანის სიცოცხლე. „ბჰაგავად-გიტაში“ გადმოცემულია ხუთი ძირითადი ჭეშმარიტებისა და თითოეული მათგანის დანარჩენებთან ურთიერთკავშირის შესახებ ცოდნა. აი, ეს ხუთი ჭეშმარიტება: კრიშნა, ანუ ღმერთი, ინდივიდუალური სული, მატერიალური სამყარო, ამ სამყაროში აღსრულებული საქმენი და დრო. „გიტა“, რომელიც ინდოეთის სულიერი სიბრძნის არსია, ნათლად განმარტავს ცნობიერების, „მე“-ს და სამყაროს ბუნებას; იძლევა პასუხებს საუკუნეების მანძილზე ფილოსოფოსთა მიერ დასმულ შეკითხვებზე. „გიტას“ თარგმნის პროცესში ა. ჩ. ბჰაქტივედანტა სვამი პრაბჰუპადა მუდამ ერთგული რჩებოდა კრიშნას სიტყვებისა, ამიტომაც გახსნა „გიტას“ უძველესი ცოდნის ყველა საიდუმლოს კლიტენი, გაგვანდო ჩვენ და ამით თვითსრულყოფასა და სულიერ წინსვლაში დაგვეხმარა. „გიტა“ კრიშნასა და მის ძვირფას მეგობარ არჯუნას შორის საუბარია. ბიძაშვილებსა და მეგობრებთან ომში ჩაბმის წინ დიდ მეომარ არჯუნას ებადება კითხვები: რატომ უნდა იბრძოლოს, რა არის სიცოცხლის აზრი და რა ელის სიკვდილის შემდეგ? პასუხად კრიშნა თავის მეგობარს დაბნეულობის ბურუსს უფანტავს და სულიერად აცისკროვნებს... ყოველ ჩვენგანს კი მოგვიხმობს, იმავე ნათელ გზას შევუდგეთ.

ძვირფასო მკითხველო! ეს წიგნი დაფუძნებულია რეალურ ისტორიებსა და იმ მიზეზების გამოძიებაზე, რასაც ჩვენ ზოგჯერ ბედისწერას ვუწოდებთ. მე მწამს ღმერთის და მისი მოსიყვარულე ძალის, რადგან ვგრძნობ ამ ყველაფერს, როგორც საკუთარ მამოძრავებელ ძალას, მაგრამ მე არ მჯერა, რომ ჩვენ, ადამიანები, მცენარეთა თესლებივით მიმოგვფანტეს დედამიწაზე და ზოგიერთ ჩვენგანს ხელსაყრელი პირობები შეუქმნეს, ხოლო ზოგს კი გაუსაძლისი ტანჯვა ერგო აბსოლუტურად შემთხვევით. ჩემმა სიყვარულმა და ემპათიამ ყველაფრის მიმართ, რაც ცოცხალია, გამიჩინა სურვილი, ჩავატარო გამოძიება და გავაშუქო საკუთარი გამოცდილების და შრომის შედეგები, ადამიანთა საკეთილდღეოდ, მათი რეაქციის მიუხედავად.

ვედების მთელი სიბრძნე თავმოყრილია 108 უპანიშადში, რომელთაგან „შრი იშოპანიშადი“ უმთავრესია: მისი თვრამეტი ლექსი ყოველგვარი ცოდნის დასაბამის სიღრმისეული შეცნობის საშუალებას იძლევა. სულიერ ძიებას მოწყურებულნი ათასობით წლის მანძილზე ეწაფებოდნენ მისტიურ, ღრმად ფილოსოფიურ უპანიშადებს. როგორც თავად სახელი („უპა“ – „ახლოს“, „ნი“ – „ქვემოთ“, „შად“ – „ჯდომა“) მეტყველებს., ადამიანი სულიერი მოძღვრის სიახლოვეს უნდა დაჯდეს და ცოდნას დაეუფლოს. მაგრამ რა ცოდნას? ამას ამ უპანიშადის სახელი თავად გვიხსნის: „იშა“ ნიშნავს „უმაღლეს განმგებელს“. მაშ, დავსხდეთ სულიერი წინამძღვრის სიახლოვეს და დავეუფლოთ უმაღლესი განმგებლის, ღმერთის, შესახებ სწავლებას. პროცესი მეტად ადვილად წარიმართება, თუ ცოდნას აუთენტური წყაროდან დავეუფლებით. ამ ამოცანას ზუსტად პასუხობს შრილა პრაბჰუპადას თარგმანი და კომენტარები, რომელიც უპანიშადების ცოდნის სიღრმეებს გვაზიარებს.

ასტროლოგიის თვითმასწავლებელი.

წიგნი შეიცავს ბჰაქტისიდდჰანტა სარასვატის პირად წერილებს, რომლებშიც ის გვიხსნის კრიშნას ცნობიერების მთელ რიგ ასპექტებს. მკითხველი აღტაცებაში მოჰყავს მის ბუნებრივ თავმდაბლობასა და უდიდეს შემეცნებას ღმერთის პიროვნებისა, რასაც ასე გულუხვად გვინაწილებს.

ბიოგრაფია ა.ჩ. ბჰაქტივედანტა სვამისა (შრილა პრაბჰუპადა), რომელმაც დააარსა კრიშნას ცნობიერების საერთაშორისო საზოგადოება და მთელ მსოფლიოს გააცნო უძველესი მეცნიერება სულის, ღმერთისა და მათი მარადიული კავშირის შესახებ, რაც წარმოდგენილია ვედურ წერილებში. ეს სწავლება 500 წლის წინათ ბენგალიაში განაახლა შრი კრიშნა ჩაიტანიამ, რომელიც განსაკუთრებით ხაზს უსვამდა ჰარე კრიშნა მაჰა-მანტრის მნიშვნელობას.

მსაჯულნი (ბერძ. Κριταί, ებრ. ספר שופטים‎, „Sefer Shoftim“) – ებრაული ბიბლიისა და ქრისტიანული ძველი აღთქმის მეშვიდე წიგნი. ებრაული ბიბლიის გადმოცემაში ის მოიცავს დროს იესო ნავეს ძის წიგნში აღწერილ დაპყრობასა და სამუელის წიგნებში აღწერილ სამეფოს დამყარებას შორის, რომლის დროსაც ბიბლიური მსაჯულები მსახურობდნენ დროებით ლიდერებად.

ს. ბულგაკოვის „ფილოსოფიის ტრაგედია“ არის ეტაპობრივი ნაშრომი მის ცხოვრებაში, რომელიც ფილოსოფიიდან თეოლოგიაზე გადასვლას აღნიშნავს. ბულგაკოვი თანამედროვე ევროპული ფილოსოფიის ბუნებას ავლენს, როგორც ერესების სერიასა და ღვთისმეტყველების უკანონო შვილს. იგი ფილოსოფიის თვითნებობისა და სისტემების აგების შეუძლებლობის მომენტს აფიქსირებს და სისტემატური აზროვნების უსაფუძვლობას ავლენს.

The International Journal of Psycho-Analysis is issued quarterly, the four parts constituting a volume of between 400 and 500 pages. Besides original articles, abstracts and reviews, it will contain the Reports of the International Psycho-Analytical Association, of which it is the Original Organ.

Works of S. Freud, E. Jones, J.C. Flügel, D. Bryan, and S. Read are presented in the current edition.

რომანი დაწერილია ქ. თბილისის N7 საპყრობილეში

შესტოვი ნაშრომს „ათენი და იერუსალიმი“ უკვე ემიგრაციაში წერდა, როდესაც იძულებული გახდა, რევოლუციის შემდეგ სამშობლო დაეტოვებინა. როგორც შემდეგ აღმოჩნდა, ეს იყო მისი ბოლო წიგნი, რომელიც ბუნებრივად აჯამებდა მის მთელ ფილოსოფიურ მოღვაწეობას. ეს არის მოაზროვნის ესეებისა და სტატიების კრებული, რომელიც დაწერილია მის მიერ 10 წლის განმავლობაში. ეს ტექსტები ერთი ყდის ქვეშ იმ მიზეზით გაერთიანდა, რომ ასე თუ ისე ერთსა და იმავე პრობლემას – რწმენისა და გონების, ირაციონალურისა და რაციონალურის დამოკიდებულებას – განიხილავს.

მარიამ ცოდვილის „ქალის სახარება“ არის გულწრფელი აღსარება, თამამი განაცხადი ქართულ ლიტერატურაში, სადაც ლაპარაკია ისეთ საზოაგდოებრივ სტიგმებსა და ბულინგზე, რომელიც ქართულ საზოგადოებაში დიდი ხანია ფეხმოკიდებულია და მასზე ლაპარაკის ნაცვლად საზოგადოება დუმილს არჩევს

„გული ფარად“ შესულია მოთხრობები, რომელიც ავტორს საერთო სამოქალაქო ცნობიერებისა და სამართლებრივი შეგნების კუთხით, ჩვენს სოციუმში არსებულმა პრობლემებმა დააწერინა.

ლეონ ფესტინგერის 1957 წლის „კოგნიტური დისონანსის თეორია“ საკვანძო ტექსტია ფსიქოლოგიის ისტორიაში, რომელმაც მისი ავტორი თავისი დროის ერთ-ერთ ყველაზე გავლენიან სოციალურ ფსიქოლოგად აქცია. ეს ასევე იმის კარგი მაგალითია, თუ როგორ შეიძლება შემოქმედებითი აზროვნება და პრობლემების გადაჭრის უნარი ისეთი სამუშაოსთვის გაერთიანდეს, რომელიც სამუდამოდ ცვლის იმას, თუ როგორ უდგებიან ადამიანები პრობლემებს. წიგნში წამოყენებულია ახალი თეორია, რომელსაც ისეთი მონაცემების განმარტება შეუძლია, რომლებსაც სხვა თეორიები ვერ უმკლავდება. ის ისეთ ემპირიულ ფენომენებს აერთიანებს, რომლებიც ადრე კავშირის არმქონედ მიიჩნეოდა, რაც იმ ექსპერიმენტების შედეგებით მყარდება, რომლებიც სპეციალურად ამ შედეგების შესამოწმებლად შექმნეს. ეს ექსპერიმენტები სრულად არის აღწერილი ტექსტში.

რა მოხდებოდა, ადამიანმა რომ საკუთარი სიკვდილის თარიღი იცოდეს? შეიცვლებოდა მისი ცხოვრება? თუ შეიცვლებოდა, რა მიმართულებით? უკეთესობისკენ თუ უარესობისკენ? და საერთოდ, რას ნიშნავს სიკვდილი შემოქმედი ადამიანისთვის? ეს პიესა ამ ყველაფრის შესახებაა.

ეს ტექსტი რობერტ გრინის წიგნის „ძალაუფლების 48 კანონი“ შემოკლებული ვერსიაა. აქ არის თავმოყრილი მხოლოდ ყველაზე ფასეული აზრები, იდეები, მაგალითები. გრინი თვლის, რომ მმართველი ელიტა ყველა დროში დაახლოებით ერთნაირად იქცევა, ქცევის ერთი და იგივე მოდელებით. ადამიანთა უმრავლესობისთვის ძალაუფლებისკენ სწრაფვა ბუნებრივ მოთხოვნილებას წარმოადგენს. მაკიაველის, სუნ-ძის, კარლ ფონ კლაუზევიცის მანერით დაწერილი ეს წიგნი შეიძლება გამოყენებულ იქნeს, როგორც დამხმარე სახელმძღვანელო ადამიანთა მანიპულირების შესახებ. მეორე მხრივ, ის დაგვეხმარება იმაში, რომ თავიდან ავიცილოთ სხვების მანიპულაციები.