წიგნები

"სიყვარული და სიკვდილი, სიკეთე და ბოროტება, დრო და მარადისობა - აი, ის მთავარი თემები, რომელთა ერთიანობაში ეძებს პოეტი და მოაზროვნე ყოფიერების დიალექტიკურ საზრისს" - ჯემალ აჯიაშვილი.

კანტი, აინშტაინი, გოეთე, ბოშები, როსკიპები, კეთროვნები და კიდევ მრავალი სხვა პერსონაჟი შეგხვდებათ ამ სიყვარულისა და ბედისწერის თემებით გამსჭვალულ ფანტასმაგორიულ პიესაში მისტიური სახელწოდებით "მალშტრემ".

რევოლუციური მკვლელობების საშინელებით შთაგონებული ამ მცირე ჩანახატით ავტორი ცდილობს ზღვარი გაავლოს ე.წ. "ქაოტურ" და "კანონიერ" მკვლელობებს შორის და დასკვნას, როგორც ყოველთვის, რელიგიური პოზიციიდან აკეთებს.

არჩევანი სულიერ და ფიზიკურ სიყვარულს შორის, ხსნის ძიება ხელოვნებაში, ფემინიზმი - ამ თემებს ეხება ავტორი მის საუკეთესო ქმნილებაში „ლიანა ლორდია“, რამაც საფო მგელაძეს „ლამაზი სიყვარულის ლამაზი მხატვრის“ სახელი მოუხვეჭა. რომანი თითქმის სრულად მეორე პირშია დაწერილი (რაც იმ დროისთვის თამამ გადაწყვეტილებას წარმოადგენდა) და ახალგაზრდა ქალისა და ვაჟის ტრაგიკულ სიყვარულს აღწერს.

"In Homo" - первый роман Димитрия Учанеишвили, который на Грузинском языке вышел в 2012 г. и сразу привлек внимание критиков и других профессионалов литературного жанра. Произведение описывает тяжелое духовное приключение Димитрия Джапаридзе, выдуманного персонажа, который находится в смертельной схватке с самой смертью. В 2016 году роман был издан в форме физической книги Московским издательством "Российский Колокол".

სონეტები - ეს არის ადამიანის შინაგანი სამყაროსადმი ინტერესით გამსჭვალული პოეზია, რასაც თავად ავტორი "მწუხარე გულისათვის შვების მინიჭებად" მიიჩნევდა და რამაც მისი უდიდესი მნიშვნელობა განსაზღვრა იტალიური და მსოფლიო ლიტერატურისთვის.

სგანარელი გახლავთ მოლიერის ერთაქტიანი პიესა, რომელშიც იგი თავად იღებდა მონაწილეობას კარიერის განმავლობაში. ნაწარმოები აგებულია ეჭვიან და დაუფიქრებელ ვარაუდებზე, რომლებიც გაუგებრობისა და უთანხმოების შედეგს წარმოადგენს. წინამდებარე ტექსტი 1871 წელს ქ-ნ ელენე ყიფიანის მიერ შესრულებული თარგმანის გათანამედროვებული ვერსიაა.

წინამდებარე ესსეიში რასელი გვთავაზობს ღმერთის არსებობის კრიტიკას იმ დროის თეოლოგთა მიერ შემუშავებული ახალი არგუმენტების შესაბამისად.

გალაკტიონის, საფო მგელაძის, გერცელ ბააზოვის პოეზია, გოეთეს თარგმანი ვარლამ დონდუასი, სტატიები მხატვრობის შესახებ, ესკიზები, ლადო გუდიაშვილის და კ. ზდანევიჩის ნახატები. გამოშვების თარიღი: 07.01.1923.

"ქრისტე" არის ჯონ რემსბერგის ერთ-ერთი ყველაზე კარგად ცნობილი ნაშრომი, რომელიც სახარების ფუნდამენტურ კრიტიკას გვთავაზობს. ნაშრომში პუნქტობრივად არის განხილული ახალი აღთქმის მთავარი პერსონაჟის ცხოვრება და ჩამოყალიბებულია მისი ისტორიული არარსებობის დოქტრინა. წინამდებარე ტექსტი ამ წიგნის პირველი თარგმანია პოსტსაბჭოთა სივრცეში.

"საქართველოს საზღვრები" არის 1919 წლის კონსტანტინეპოლის კონფერენციისთვის მომზადებული კვლევა, რომელიც ისტორიულ ჭრილში განიხილავს საქართველოს საზღვრებს, მათ წინაშე არსებულ საფრთხეებს და სამომავლო პერსპექტივას. ხაზგასმულია კონკრეტული ჯგუფების მიერ საზღვრის და, შესაბამისად, საქართველოს სუვერენიტეტის ხელყოფის გამჟღავნებული სურვილი და მათი დამადასტურებელი ფაქტები.

"ოსთა ჩამოსახლება" მცირე ისტორიული ექსკურსია მე-14-მე-16 სს. საქართველოში და წარმოადგენს საქართველოში ოსთა ჩამოსახლება-დამკვიდრების ხელშემწყობ მიზეზთა განსაზღვრის მცდელობას.

"ვეფხისტყაოსნის ღმრთისმეტყველება" ვიქტორ ნოზაძის მიერ "ვეფხისტყაოსნის" მრავალასპექტოვანი კვლევის შედეგად შექმნილი ექვსი მონუმენტური ტომის მეხუთე ნაწილია, რომელიც 1963 წელს საფრანგეთში გამოიცა. იგი "ვეფხისტყაოსნის" რელიგიურ-სარწმუნოებრივ საკითხებს იკვლევს.

წინამდებარე კრებულში შესულია ილიას მოსაზრებები საბანკო ბიზნესის მოწყობასა და ბანკის სტრუქტურასთან დაკავშირებით, მისი შეხედულებები სხვადასხვა სახის საბანკო-შემნახველი საზოგადოებების შესახებ, საგლეხო ბანკის საკითხი და ამასთან დაკავშირებული კამათი ისეთ საზოგადო მოღვაწეებთან, როგორებიც იყვნენ ნიკო ნიკოლაძე და აკაკი წერეთელი. ბონუსის სასხით გთავაზობთ ილიას პოლემიკას ნოე ჟორდანიასთან საბანკო და სხვა საზოგადოებრივ საკითხებზე.

ძველი ნაცნობების შეხვედრა, ერთ სივრცეში განვითარებული მოვლენები, რომლებიც უამრავ კითხვას წარმოშობს, წარსულის გახსენება, და მთავარი კითხვა, რომელიც თანამედროვე სამყაროში პრაქტიკულად ყველა ადამიანს ეხება - ასეთია მოკლე მონახაზი დიმიტრი უჩანეიშვილის ახალი პიესისა "ოთახში."

გალაკტიონის, ტერენტი გრანელის, გობრონ აგარელის პოეზია, ვ, დონდუას მიერ გოეთს თარგმანის გაგრძელება, წერილები საქართველოს მხატვრობისა და თეატრის შესახებ. გამოშვების თარიღი: 01.01.1923.