ქართული

სახელმძღვანელოში შეხვდებით ერთიანი ეროვნული გამოცდების პროგრამით გათვალისწინებულ მრავალფეროვან მასალას: საგამოცდო ფორმატის 18 ტესტსა და დამატებით სავარჯიშოებს, ასევე, ერთიანი ეროვნული გამოცდების ინგლისური ენის ტესტებში მოცემულ დავალებათა მსგავსი ტიპის სავარჯიშოებს. სახელმძღვანელო შედგენილია საერთაშორისო სერტიფიკატის მქონე მასწავლებლების მიერ, რომლებიც მრავალი წლის განმავლობაში ნაყოფიერად მოღვაწეობენ საგანმანათლებლო სფეროში.

გზამკვლევი არის მცდელობა ოპერატიულ-სამძებრო საქმიანობის (ოსს), როგორც გამოძიების არაპროცესუალური ნაწილის და ზოგადად სამართალდამცავი საქმიანობის სახეობის სრულად წარმოჩინებისა იურიდიული საზოგადოებისა და ამ სფეროთი დაინტერესებული პირების წინაშე. გზამკვლევი განკუთვნილია იურისტებისათვის, პოლიციელებისათვის, დეტექტივებისთვის, გამომძიებლებისთვის, პროკურორებისთვის, სპეციალური სამსახურის თანამშრომლებისათვის, ეროვნული უსაფრთხოების სპეციალისტებისათვის და ამ სფეროთი დაინტერესებულ პირთათვის.

წინამდებარე ნაშრომი, „ემოციური ინტელექტის განმსაზღვრელი სოციალური ფაქტორები მოზარდებთან“, წარმოადგენს მონოგრაფიულ ნაშრომს, რომელიც ეხება ბავშვის აღზრდის ხანგრძლივ პროცესს. წიგნი განკუთვნილია ფსიქოლოგებისთვის, მასწავლებლებისთვის, სოციალური მუშაკებისთვის, სტუდენტებისთვის და სოციალური მეცნიერებებით დაინტერესებული პირებისთვის.

კურკა ერთი უბედური კაცია, დილიდან ღამემდე ბაზარში დაეხეტება და დიდიან-პატარიანად ყველა მას დასცინის და აბუჩად იგდებს. კურკა იფიქრებს, ამ გაჭირვებას ცოლის შერთვით დავაღწევ თავსო და მართლაც იქორწინებს ერთ საეჭვო მანდილოსანზე, მაგრამ ის მიატოვებს და კურკა ისევ ბაზარში დაეხეტება...

ავტორმა წინამდებარე გამოცემა მშობლიურ სოფელს - წინანდალს და აქ მოსახლე წინაპრების ცხოვრებას და მოღვაწეობას მიუძღვნა, ისევე როგორც მისი პირველი წიგნი - „წინანდალი - საქართველოს მკერდის მძივი“ წინანდალს, როგორც ტურიზმისა და კულტურის ერთ-ერთ მნიშვნელოვან ობიექტს, არა მარტო საქართველოში, მის ფარგლებს გარეთაც გამორჩეული ადგილი უკავია. სოფელს ყოველწლიურად ასი ათასზე მეტი უცხოელი თუ ადგილობრივი ტურისტი სტუმრობს. დღითიდღე იზრდება მისი მნიშვნელობა, როგორც კულტურული ღონისძიებების, საერთაშორისო საქმიანი შეხვედრებისა თუ უცხოეთის სამთავრობო დელეგაციების მიღების ადგილი.

დევიანტურად (deviation - გადახრილი) იწოდება ფსიქოლოგიურად მდგრადი ქცევის ისეთი ტიპი, რომელიც არ შეესაბამება საზოგადოებრივად მიღებულ და ოფიციალურად დადგენილ მორალურ-სამართლებლივ ნორმებსა და ღირებულებებს. სოციუმის მწვავედ უარყოფითი შეფასება-დამოკიდებულება, რასაც თან სდევს სტიგმატიზაცია/სოციალური მარკირება, დევიანტს მხოლოდ იზოლაციის, მკურნალობის ან სასჯელის ალტერნატივას სთავაზობს. დევიანტური ქცევის განმსაზღვრელი კრიტერიუმები არაერთმნიშვნელოვანი და ხშირად საკამათოა, რაც განპირობებულია მისი წინააღმდეგობრივი, ფარდობითი და დროში ცვალებადი ბუნებით.

თავადის მიერ ნამუსახდილი და იძულებით გათხოვილი ნუცა შვილს აჩენს, მაგრამ ეჭვებში მყოფი პავლე ამ ყველაფერს სხვაგვარად უყურებს და ყველაფერი ყველა მათგანისთვის ტრაგიკულად მთავრდება.

ვისთვისაც საინტერესოა ქართული მწერლობის ბედი საქართველოს გასაბჭოების შემდეგ, საბჭოთა ტოტალიტარიზმის ესთეტიკური საფუძვლების ჩამოყალიბების პროცესი, რთული მოვლენები ამ ეპოქის ლიტერატურასა და ხელოვნებაში, გამომცემლობა „საგა“ გთავაზობთ საბა მეტრეველის მონოგრაფიას „ესთეტიკა საბჭოთა ტოტალიტარიზმისა – პროლეტარული რეალიზმიდან სოციალისტურ რეალიზმამდე“, ბატონ სოსო სიგუას რედაქტორობით.

წიგნი შეიცავს თომა აქვინელის (XIII ს.) ფილოსოფიის ძირითად დებულებათა დალაგებას და კრიტიკას. საკუთრივ თომას შეხედულებებთან ერთად გაკრიტიკებულია თომიზმის (ნეოსქოლასტიკის) რიგი შეხედულებებიც იმავე საკითხზე. ყურადღება გამახვილებულია პრობლემებზე: 1. საგნის ონტოლოგიური სტრუქტურა; 2. არსისა და არსების მიმართება; 3. ღვთის არსებობის „საბუთები“; 4. შემეცნების თეორია; 5. ეთიკა; 6. თომიზმის ისტორიული ფესვები (თომიზმის მიმართება არისტოტელესთან, ფსევდო-დიონისე არეოპაგელთან).

იოსებ ახალაიას „ოცნებების კვალდაკვალ“ ახალგაზრდა მწერლის მეორე რომანია. რომანში იოსები ისეთ მარადიულ გრძნობებს ეხება, როგორებიცაა მეგობრობა, სიყვარული, სიძულვილი, ეჭვიანობა... კლასიკად ქცეული სასიყვარულო სამკუთხედი ამ რომანში ტრაგიკულად სრულდება და მკითხველს გულგრილს არ დატოვებს.

წინამდებარე სახელმძღვანელოში წარმოდგენილი ფსიქოლოგიის ისტორიის კურსის უდიდესი მნიშვნელობა ისაა, რომ ამ საგნის შინაარსი არსებითად გვევლინება იმ კულტურის საფუძვლად, რომელსაც აუცილებლად უნდა ფლობდეს ნებისმიერ სფეროში მომუშავე ფსიქოლოგი. სახელმძღვანელოს წაკითხვის შედეგად მკითხველი განსხვავებულად გაიაზრებს „პროგრესის“ ცნებას. პროგრესის გაგება იმ აზრით, რომ ახალი ცოდნა ხარისხობრივად უკეთესია ძველზე, შესაძლოა ტექნიკურ და არა სოციალურ მეცნიერებებში. მართლაც, დღეს კაცობრიობამ ზედმეტად ბევრი იცის ატომის, ადამიანის ნერვული სისტემის და ა.შ. შესახებ, მაგრამ ძველბერძენ და რომაელ ფილოსოფოსთა და ფსიქოლოგთა ღვაწლი თანამედროვე მეცნიერების მიერ შექმნილ შრომებზე არანაკლებ მნიშვნელოვანი და საინტერესოა. აქედან გამომდინარე, სახელმძღვანელოს სტრუქტურაც ამ პრინციპითაა აგებული. ფსიქოლოგიის ისტორია მკითხველს არამხოლოდ ფაქტებს აცნობს, არამედ აზროვნებასაც ასწავლის, უვითარებს ცალკეული ფსიქოლოგიური მოვლენისა თუ კონცეფციის გაგებისა და ადეკვატურად შეფასების უნარებს.

წიგნში თავმოყრილია დიმიტრი უზნაძის ფილოსოფიური და ფსიქოლოგიური შრომები, რომლებიც, ძირითადად, თეორიულ და ისტორიულ საკითხებს ეხება. ასევე, დიდი ადგილი ეთმობა სხვადასხვა მოაზროვნეებისა და ფილოსოფიური სკოლების, და ქართველი პოეტების შემოქმედების ამა თუ იმ ასპექტის კრიტიკულ განხილვას.

სახელმძღვანელო მიზნად ისახავს მედიის კვლევის ძირითადი მეთოდების კლასიფიკაციას, განმარტებას, მათი გამოყენების სფეროების გამოკვეთას და სამეცნიერო-კვლევითი საქმიანობისათვის იმ თეორიული ბაზის შექმნას, რომელიც აუცილებელია კვლევითი ნაშრომის შესრულებისათვის საჭირო უნარების შესაძენად. კერძოდ, სახელმძღვანელოში საუბარია, რით უნდა იხელმძღვანელოს სტუდენტმა საკვლევი თემის შერჩევისას, რა სამუშაო უნდა შესრულდეს კვლევის კაბინეტურ, საველე ეტაპებზე, რა ტექნიკები უნდა გამოიყენოს ემპირიულ მონაცემთა დამუშავებისა და ანალიზისას. აქვე წარმოდგენილია სხვადასხვა მედიის კვლევების ძირითადი მიმართულებები. სახელმძღვანელო განკუთვნილია ჟურნალისტიკის სპეციალობის სტუდენტებისა და მედიის კვლევით დაინტერესებულ მკითხველთათვის.

ეს არის ლეგენდა მთვარის რაინდზე და მის თავგადასავალზე.

„Ein Buch für Alle und Keinen“...მიმდინარე დროში წიგნისმიერი თხრობის მცდელობა ყველასთვის და ამავდროულად არავისთვისაა განკუთვნილი. წინარე ტექსტები ერთგვარი მცდელობაა მიმდინარე რეალობის იმნაირი აღქმის, სადაც, არსებული გაუცხოების მიუხედავად, ადამიანის გაცნობიერების არეალში აუცილებლად შემოდის მარადიული ღირებულებების შეგრძნება, როგორც შესაძლებლობა სამყაროსთან და ყოველ არსებულთან მიმართების ცვალებისა. ამგვარ დილემაზე პასუხში იკვეთება როგორც ადამიანის პასუხისმგებლობა, ასევე მისი ეგზისტენციალური სტატუსი.

იოსებ ახალაია ახალგაზრდა მწერალია, „ომის ათი დღე“ მისი სადებიუტო ნაშრომია. წიგნი თამამი განაცხადია თანამედროვე ქართულ ლიტერატურაში. ამ პატარა რომანში აღწერილია რუსეთ-უკრაინის ომის დროს ქართველი და უკრაინელი წყვილის ისტორია... მათთან ერთად როგორ უმკლავდებიან ომის საშინელებას, აქ, საქართველოში დარჩენილი ერთ-ერთი მთავარი გმირის მშობლები... ამ წიგნის წაკითხვისას შეუძლებელია თვალზე ცრემლი არ მოადგეს ადამიანს, რადგან ნათლად გადმოსცემს ომის გამო გამოწვეულ ტკივილებს, საომარი მოქმედებებიდან ათასობით კილომეტრის დაშორებითაც კი...