წიგნები

წიგნი წარმოადგენს თანამედროვე (2000-2020 წწ.) რუსული მცირე პროზის კრებულს, მასში შევიდა დღევანდელობის ყველაზე ცნობილი რუსულენოვანი ავტორების მოთხრობები და ესეები, რომლებშიც თანამედროვე საზოგადოებრივი თუ ოჯახური ცხოვრების პრობლემატიკა შთამბეჭდავადაა გადმოცემული.

კრებულში შესულია თანამედროვე გერმანელი პოეტის, ჰანს არნფრიდ ასტელის მინიატიურული ლექსები, რომლებიც ჰაიკუს ფორმითაა დაწერილი

წიგნი წარმოადგენს ლექციების ციკლს, რომელიც ავსტრიელმა პოეტმა ინგებორგ ბახმანმა 1959-1960 წლებში ფრანკფურტის უნივერსიტეტში წაიკითხა. ლექციებში განხილულია თანამედროვე პოეზიისა და, ზოგადად, ლიტერატურის ისეთი საკითხები, როგორიცაა პოეტიკა, „მე“-ს პრობლემა, პერსონაჟის სახელის პრობლემა და სხვა.

კრებულში განხილულია რუსული ლიტერატურის, ფილოსოფიის, სულიერების ზოგიერთი ასპექტი. ყურადღების ცენტრშია რუსული ლიტერატურის ის ნიმუშები, რომელთა ქართულ ენაზე თარგმანიც კრებულის ავტორმა შეასრულა. წერილები ეძღვნება კლასიკოს მწერალს მ. სალტიკოვ-შჩედრინს, ქარისტიან ავტორსა და მოძღვარს მამა ალექსანდრე მენს, ფილოსოფოს ნიკოლაი ბერდიაევს, თანამედროვე ავტორებს – ბორის აკუნინს, ლორა ბოჩაროვას, ევგენი ვოდოლაზკინს.

ფილოლოგიური წერილების კრებული ეძღვნება იმ მწერლებს, ვინც სხვადასხვა წლებში ლიტერატურის დარგში ნობელის პრემიით დაჯილდოვდა. წერილებში ყურადღება ამ მწერალთა იმ ნაწარმოებებზეა გამახვილებული, რომლებიც წერილების ავტორმა ქართულ ენაზე თარგმნა.

მოთხრობა ცირკის მსახიობთა ცხოვრების შესახებ.

წიგნში შესულია ავტორის მიერ 1996-2009 წლებში ქართულ პერიოდიკაში გამოქვეყნებული კრიტიკული, ლიტერატურატმცოდნეობითი, საზოგადოებრივი პრობლემატიკისადმი მიძღვნილი წერილები. წერილებში განხილულია ქართველი და უცხოელი მწერლების – ნაირა გელაშვილის, ნატო გაგნიძის, გივი მარგველაშვილის, რეი ბრედბერის, რ. მ. რილკეს, დ. ჰ. ლორენსის და სხვათა შემოქმედება.

პოეტის პროზა. მოთხრობაში ავტორი იხსენებს ბავშვობის ზმანებებსა და ფანტაზიებს, რომლებიც გერმანული და რუსული ლიტერატურის ხატოვან სახეებთან შთამბეჭადავდაა გადახლართული...

ნოველა ინდოელი წმინდანისა და განდეგილის შესახებ, რომელიც დასავლურ ცივილიზაციას გაერიდა და ცხოვრება ბუნებაში განმარტოვებულ თვითჩაღრმავებას დაუთმო, შესულია „ჯუნგლის წიგნის“ მეორე ნაწილში.

წიგნში შესულია ესეები ავტორის ვრცელი ფილოსოფიურ-ესეისტური თხზულებიდან “ქრისტე და ანტიქრისტე რუსულ ლიტერატურაში: ლევ ტოლსტოი და დოსტოევსკი” (1900-1902), სადაც ორი დიდი რუსი კლასიკოსის შემოქმედების კვლევაზე დაყრდნობით ეპოქის უმნიშვნელოვანესი რელიგიური და ფილოსოფიური საკითხებია დასმული.

მეოცე საუკუნის ერთ-ერთი უდიდესი გერმანელი მწერალი, ნობელის პრემიის ლაურეატი (1972), ჰაინრიხ ბიოლი ქართველი მკითხველის წინაშე წარდგენას არ საჭიროებს. მისი არაერთი რომანი (მათ შორის - „და არ უთქვამს არც ერთი სიტყვა“, „როცა ომი დაიწყო“, „უკაცო სახლი“, „კლოუნის თვალთახედვა“) და მრავალი მოთხრობა დიდი ხანია, თარგმნილია ისეთი ცნობილი მთარგმნელების მიერ, როგორიცაა დალი ფანჯიკიძე, ნოდარ რუხაძე და სხვები.

წიგნში შეტანილია ჩვენი დროის მნიშვნელოვანი მკვლევრის ორი წერილი დიდი ევროპელი მოაზროვნეების - ი. ვ. გოეთესა და ფრიდრიხ ნიცშეს შესახებ, რომლებშიც ამ ავტორთა შემოქმედებისა და მსოფლმხედველოის ზოგადი და სიღრმისეული ანალიზია მოცემული.

„შემოქმედების საზრისი“ ჩაფიქრებულ იქნა მარქსის, ნიცშეს, დოსტოევსკის, ჰუსერლის, ბერგსონის, შტაინერის იდეების ერთგვარ პასუხად. თვით ბერდიაევი „შემოქმედების საზრისს“ თავის ყველაზე შთაგონებულ ნაწარმოებად თვლიდა, რადგან მასში თავისი ორიგინალური ფილოსოფიური ნააზრევის სრულად გამოთქმა პირველად შეძლო.