წიგნები

არჩილ II-ის ისტორიული პოემა "გაბაასება თეიმურაზისა და რუსთველისა" ანუ "თეიმურაზიანი" თამარისა და თეიმურაზ I-ის ეპოქას ასახავს, რომელშიც მეფე-პოეტი საკუთარ პოზიციას პაექრობაში აფიქსირებს. წარმოადგენს ისტორიული პოემის პირველ ნიმუშს.

კრებულში შესულია ილიას შვიდივე მოთხრობა, კლასიკად ქცეული "კაცია-ადამიანი?!"-ს, "მგზავრის წერილების" და ასევე ნაკლებად პოპულარული "ნიკოლოოზ გოსტაშაბიშვილისა" და "სარჩობელაზედ" ჩათვლით.

კრებულში წარმოდგენილია მეორე მსოფლიო ომში დაღუპული ახალგაზრდა ქართველი პოეტის სამიჯნურო, ლირიული და პატრიოტული პოეზიის ნიმუშები.

"ქართლის ცხოვრების" მესამე წიგნი, რომელიც აღწერს ვახტანგ გორგასლის მეფობას. მიეწერება VIII საუკუნის ქართველ ისტორიკოს ჯუანშერ ჯუანშერიანს.

X საუკუნის ჰაგიოგრაფიული ნაწარმოები, რომელიც აღწერს ქართველი სასულიერო მოღვაწის, გრიგოლ ხანძთელის, ცხოვრებას და აყალიბებს ქართველთა ეროვნული მთლიანობის იდეას.

კრებულში შესულია დავით კლდიაშვილის კლასიკად ქცეული პიესები: სევდითა და იუმორით აღსავსე "დარისპანის გასაჭირი", "ირინეს ბედნიერება" და "უბედურება".

"დემოკრატია, სოციალიზმი და თეოკრატია" - ამ ნაშრომით ნ. ბერდიაევი წარსულის სახელმწიფოებრივი ფორმაციების ანალიზის საფუძველზე ცდილობს შეაფასოს სახელმწიფოებრივი მოწყობის სხვადასხვა ფორმები.

"ქართლის ცხოვრების" IV წიგნი "წამება წმიდისა და დიდებულისა მოწამისა არჩილისი" აღწერს რეფორმატორისა და ეკლესია-მონასტრების მშენებლის, ქართლის მეფე არჩილის წამებას არაბების მიერ.

პირველად საქართველოს ინტერნეტ სივრცეში გამოიცემა ვაჟას მოთხრობების სრული კრებული ორ ტომად. პირველ ტომში შესულია 52 მოთხრობა შექმნილი 1881-1902 წლებში, მათ შორის "შვლის ნუკრის ნაამბობი", "ხმელი წიფელი", "ჩხიკვთა ქორწილი" და სხვა.

სახოტბო პოეზიის კლასიკური ლიტერატურული ძეგლი XII საუკუნის დასასრულის ან XIII საუკუნის დასაწყისისა, რომელშიც თამარი და დავით სოსლანია შექებული

დიმიტრი უჩანეიშვილის ახალი რომანი "კოშკი" მწვავე პოლიტიკური სატირაა, რომელიც განმსჭვალულია აპოკალიფსის შეგრძნებით. რომანის ღია ფინალი კიდევ უფრო ამძაფრებს ამ შეგრძნებას და მკითხველს კვლავაც დააფიქრებს ყველაზე საჭირბოროტო კითხვებზე: რა მოელის კაცობრიობას? რა გზით უნდა წარიმართოს ჩვენი სახელმწიფოებრივი ცხოვრება? ეს საჭირბოროტო საკითხავი წარმოსახულია შეუფერადებლად და თხრობის იმ ხელოვნებით, რაც სულმოუთქმელად წაგაკითხებთ ამ ბევრგვარი სატკივარით სავსე რომანს.

იუმორითა და კოლორიტით აღსავსე იგავ-არაკთა კრებული (1686-1695) ზნეობრივი და სულიერი დაცემულობის კრიტიკითა და მაღალი ადამიანური იდეალების თაყვანისცემით

XI საუკუნის ამ თხზულებას ივანე ჯავახიშვილმა პირობითად უწოდა "მატიანე ქართლისა". მასში შესულია საქართველოს ისტორია ქართლის მთავრებიდან ბაგრატ IV-მდე.

იოანე პეტრიწის ეს თხზულება ბერძენი ფილოსოფოსის, პროკლე დიადოხოსის "კავშირნი ღმრთისმეტყველებითნი"-ს თარგმანსა და კომენტარს წარმოადგენს.

არსენ I-ის ეს პოლემიკური თხზულება ეხება ქართველ-სომეხთა სარწმუნოებრივ ურთიერთობას, განხეთიქლების ისტორიასა და მისი პოლიტიკური და რელიგიური მიზეზების გარკვევას.

კრებულში შესულია ქართული ლიტერატურის კლასიკოსის მიერ შექმნილი ყველა პიესა, "მოკვეთილიდან" "ტყის კომედიის" ჩათვლით.