წიგნები

გალაკტიონის, საფო მგელაძის, გერცელ ბააზოვის პოეზია, გოეთეს თარგმანი ვარლამ დონდუასი, სტატიები მხატვრობის შესახებ, ესკიზები, ლადო გუდიაშვილის და კ. ზდანევიჩის ნახატები. გამოშვების თარიღი: 07.01.1923.

წინამდებარე ესსეიში რასელი გვთავაზობს ღმერთის არსებობის კრიტიკას იმ დროის თეოლოგთა მიერ შემუშავებული ახალი არგუმენტების შესაბამისად.

სგანარელი გახლავთ მოლიერის ერთაქტიანი პიესა, რომელშიც იგი თავად იღებდა მონაწილეობას კარიერის განმავლობაში. ნაწარმოები აგებულია ეჭვიან და დაუფიქრებელ ვარაუდებზე, რომლებიც გაუგებრობისა და უთანხმოების შედეგს წარმოადგენს. წინამდებარე ტექსტი 1871 წელს ქ-ნ ელენე ყიფიანის მიერ შესრულებული თარგმანის გათანამედროვებული ვერსიაა.

სონეტები - ეს არის ადამიანის შინაგანი სამყაროსადმი ინტერესით გამსჭვალული პოეზია, რასაც თავად ავტორი "მწუხარე გულისათვის შვების მინიჭებად" მიიჩნევდა და რამაც მისი უდიდესი მნიშვნელობა განსაზღვრა იტალიური და მსოფლიო ლიტერატურისთვის.

"In Homo" - первый роман Димитрия Учанеишвили, который на Грузинском языке вышел в 2012 г. и сразу привлек внимание критиков и других профессионалов литературного жанра. Произведение описывает тяжелое духовное приключение Димитрия Джапаридзе, выдуманного персонажа, который находится в смертельной схватке с самой смертью. В 2016 году роман был издан в форме физической книги Московским издательством "Российский Колокол".

არჩევანი სულიერ და ფიზიკურ სიყვარულს შორის, ხსნის ძიება ხელოვნებაში, ფემინიზმი - ამ თემებს ეხება ავტორი მის საუკეთესო ქმნილებაში „ლიანა ლორდია“, რამაც საფო მგელაძეს „ლამაზი სიყვარულის ლამაზი მხატვრის“ სახელი მოუხვეჭა. რომანი თითქმის სრულად მეორე პირშია დაწერილი (რაც იმ დროისთვის თამამ გადაწყვეტილებას წარმოადგენდა) და ახალგაზრდა ქალისა და ვაჟის ტრაგიკულ სიყვარულს აღწერს.

რევოლუციური მკვლელობების საშინელებით შთაგონებული ამ მცირე ჩანახატით ავტორი ცდილობს ზღვარი გაავლოს ე.წ. "ქაოტურ" და "კანონიერ" მკვლელობებს შორის და დასკვნას, როგორც ყოველთვის, რელიგიური პოზიციიდან აკეთებს.

ჰაფეზის დაახლოებით 30 ლექსის კრებული (ყაზალი, რობაიები).

კრებულში შესულია დოსტოევსკის ადრეული პერიოდის მოთხრობები, როგორიც არის "თეთრი ღამეები", "ბიჭი ქრისტესთან ნაძვის ხეზე", "ბატონი პროხარჩინი", "თვინიერი" და "უგვანო ანეკდოტი".

კანტი, აინშტაინი, გოეთე, ბოშები, როსკიპები, კეთროვნები და კიდევ მრავალი სხვა პერსონაჟი შეგხვდებათ ამ სიყვარულისა და ბედისწერის თემებით გამსჭვალულ ფანტასმაგორიულ პიესაში მისტიური სახელწოდებით "მალშტრემ".

კრებულში შედის ბულგაკოვის სამი მოთხრობა: "მამლიანი პირსახოცი", "მორფი" და "მფრინავი ჰოლანდიელი".

"სიყვარული და სიკვდილი, სიკეთე და ბოროტება, დრო და მარადისობა - აი, ის მთავარი თემები, რომელთა ერთიანობაში ეძებს პოეტი და მოაზროვნე ყოფიერების დიალექტიკურ საზრისს" - ჯემალ აჯიაშვილი.

"ამოკ" - ეს არის ნოველა უკიდურესი ვნებით შეპყრობილი ადამიანის შესახებ, რომელიც მზად არის მთელი კარიერა და პირადი ცხოვრება გაწიროს და საბედისწერო ნაბიჯიც კი გადადგას. ნაწარმოებში ცხადად იკითხება ფროიდის ფსიქოანაილიზის ელემენტები. ეკრანიზებულია ორჯერ.

ნიკოლო მაკიაველის ყველაზე ცნობილი და გავლენიანი თხზულება, რომელმაც პოლიტიკა მეცნიერებად აქცია. წიგნი შეიცავს პრაქტიკულ რჩევებს ხელისუფლებაში მყოფთათვის ავტორისათვის ცნობილი ისტორიული მაგალითების საფუძველზე.

ამ ფილოსოფიურ ესსეიში, რომელიც 1859 წელს გამოქვეყნდა, მილი აყალიბებს უტილიტარიანიზმის ეთიკურ დოქტრინას, რაც ინდივიდუალობის მნიშვნელობის წინა პლანზე წამოწევას გულისხმობს. ესსეიში გადმოცემულია ინდივიდის სამი ძირითადი თავისუფლება, სამი არგუმენტი სახელმწიფოს ჩარევის საწინააღმდეგოდ და ორი მაქსიმა საზოგადოებასთან ინდივიდის დამოკიდებულების შესახებ.

"გალაკტიონ ტაბიძის ჟურნალის" მე-7 ნომერში შესულია გალაკტიონის, გობრონ აგარელის, ირაკლი ყანჩელის და სხვათა ლექსები, გოეთეს "ჰერმან და დოროთეს" თარგმანი ვარლამ დონდუასი, ვახტანგ გარრიკის ეტიუდი, თაგორის თარგმანი, განცხადებები. გამოვიდა 1923 წლის 14 იანვარს.