ქართული

კრებულში შესულია IX-X სს. ქართული ჰაგიოგრაფიის ოთხი ძეგლი - უცნობი ავტორების "კოსტანტი კახის წამება", "ცხრათა ყრმათა წამება", "დავითის და ტირიჭანის წამება" (სავარაუდოდ თარგმნილია) და ეპისკოპოს სტეფანე მტბევარის "გობრონის წამება".

ბატონყმობის წინააღმდეგ მებრძოლი გლეხის, ხალხური ეპოსის გმირის, არსენა ოძელაშვილის შესახებ ისტორიული რომანი მიხეილ ჯავახიშვილმა 1933-36 წწ. შექმნა. ნაწარმოებში ასახულია ქართველი ხალხის ბრძოლა ეროვნული თავისუფლებისათვის და გლეხთა მოძრაობა სოციალური უთანასწორობის წინააღმდეგ.

ქართლის ცხოვრების მეათე წიგნი, რომელიც თამარის ეზოსმოძღვარს ეკუთვნის, თამარის ცხოვრებას აღწერს. თხზულება მნიშვნელოვან ფაქტებს გვამცნობს მეფეთ მეფისა და მისი ოჯახის შესახებ.

პროზად შექმნილი და შემდეგ ლექსად გადაკეთებული პიესა ახალგაზრდა ერეკლე მეორის პირველ ბრძოლასა და "თათრებზე" ქართველთა გამარჯვებას ეხება.

"ქართლის ცხოვრების" მე-9 წიგნი, რომელშიც თამარის ცხოვრებაა აღწერილი.

"აქ" გახლავთ ფსიქოლოგიური მოთხრობების კრებული, რომლებშიც ავტორი მარადიულ თემებს ეხება, როგორიც არის ცხოვრების აზრი, ყოფიერების ამაოება, სიყვარული და თანაგრძნობა, პატიება

ვაჟას პოემების სრულის კრებულის მეორე ტომში შესულია 1898-1915 წწ. შექმნილი ნაწარმოებები, მათ შორის "გველის მჭამელი", "ძაღლიკა ხიმიკაური", "ნახევარ-წიწილა" და სხვა.

ბესიკის ლირიკის კრებულში შესულია პოეტის სატრფიალო-სამიჯნურო ლექსები, ოდები, სხვადასხვა ტიპის გასართობი ლექსები და პანეგირიკები.

ერთ-ერთი უძველესი (VI ს.) ქართული ჰაგიოგრაფიული ძეგლი, რომელიც ასახავს სპარსი ჭაბუკის წამებას ქრისტიანობისთვის

XIX საუკუნის დასასრულის რომანში ასახულია იმდროინდელი საქართველოს სოციალური მდგომარეობა, ახალი კლასის - ვაჭრების - დამკვიდრება, ქვეყნის ჩამორჩენილობა, კაპიტალის დამკვიდრება და ამით გამოწვეული სოციალური უთანასწორობა; და ეს ყველაფერი ტრაგიკულად დასრულებული სიყვარულის ფონზე.

სუმბატ ბაგრატიონის ნაშრომი, რომელიც ადამით იწყება და 1031 წლის ამბებით სრულდება. თხზულების მიხედვით ბაგრატიონები დავით წინასწარმეტყველის შთამომავლები არიან.

მეფისა და პოეტის ამ კრებულში შესულია პოემები: სასულიერო და ზნეობრივი შინაარსის "სარკე თქმულთა", კრიტიკული "გაბაასება რუსთველთან", "ანბანთქება", "კიდურწერილობა" და სხვა ლექსები.

ქართული ჰიმნოგრაფიის თვალსაჩინო ძეგლი, ღრმა სინანულის მოტივზე შექმნილი პოეტური ნაწარმოები გამსჭვალული მარადიული ღაღადისით მაცხოვრისადმი.

ქართული ლიტერატურის კლასიკური ეპოქის (XIII ს.) პანეგირიკული თხზულება, რომელშიც თამარ მეფეს აქვს ხოტბა შესხმული

ანასეულ "ქართლის ცხოვრებაში" შესული ისტორიული ნაშრომი, რომელიც მოიცავს პერიოდს 1125 წლიდან 1223 წლამდე და მოკლედ აღწერს დემეტრე I-ის, გიორგი III-ის, თამარისა და გიორგი IV ლაშას ცხოვრებას.

პირველი ქართული საერო რომანი, სავარაუდოდ შექმნილი XI-XII საუკუნეებში. მთავარი პერსონაჟია ამირან დარეჯანისძე, რომლის საგმირო-საფალავნო საქმეთა გადმოცემას ხუთი კარი ეთმობა.