წიგნები

ჩვენ იშვიათად ვხვდებით მათ, ვინც გვიყვარს და მუდამ ცალ-ცალკე. რა ბედნიერება იქნებოდა, რომ შეგვეძლოს ყველას ერთად შეყრა! მარინა ქარცივაძემ ეს შეძლო და შეხვედრის ადგილიც შესანიშნავი აირჩია - კაფე "პარნასი". ამ მახვილგონიერი პოემის მთავარი ღირსება სიყვარულია: ლიტერატურის, მწერლების, პერსონაჟების, მუსიკის. ყველა ერთად ლხინობს კაფე პარნასში და ჩვენებიც აქ არიან, როგორც ამ დიდი დღესასწაულის ნაწილი. კაფე პარნასში ქართველი მწერლები და მარინა ქარცივაძე კაცობრიობის საუკეთესო შვილებს, მათ შექმნილ პერსონაჟებს და შთაგონების წყაროებს მასპინძლობენ. შემოგვიერთდით! არჩილ ქიქოძე

"ქვათა ღაღადი" ქართულ ენაზე შექმნილი ერთ-ერთი უმნიშვნელოვანესი ისტორიულ-პუბლიცისტური ნაწარმოებია, რომელიც სომეხ და რუს ფსევდო-მეცნიერთა უსაფუძვლო თავდასხმების არიდების ფონზე ქართველთა წარმოშობის იდეას აყალიბებს.

"მოგონებანი" 1936 წელს დაიწერა და მასში ასახულია მეცხრამეტე საუკუნის 70-90-იან წლებში მომხდარი მნიშვნელოვანი ისტორიულ-სოციალური და კულტურულ-ლიტერატურული მოვლენები.

ემიგრანტი ქართველი მწერლის ნოსტალგიური რომანი ერთ-ერთი უმნიშვნელოვანესი მხატვრული ნაწარმოებია მე-20 საუკუნის ქართულ ლიტერატურაში. დაბრუნების იდეა, რასაც მწერალი პოლიტიკური ემიგრაციის შემდეგ მწვავედ განიცდიდა, სწორედ "გველის პერანგში" ხორციელდება ვირტუალურად. უაღრესად მაღალი ოსტატობით შესრულებული თხზულება არც ერთ ქართველ მკითხველს არ დატოვებს გულგრილს.

თანამედროვე მწერლის თითოეული ნამუშევარი უდიდეს შთაბეჭდილებას ახდენს მკითხველზე. ბოკო ჭიღლაძეს ძალუძს წეროს რეალობა და ამავდროულად გამოიგონოს

ქართული ჰაგიოგრაფიის მე-6 წიგნში შესულია ასურელი მამების - აბიბოს ნეკრესელისა და იოანე ზედაზნელის ცხოვრება, დავით გარეჯელის ცხოვრება, საქართველოს ეკლესიის წმინდანის - სერაპიონ ზარზმელის ცხოვრება, და VI საუკუნის საეკლესიო მოღვაწეების - შიოსა და ევაგრეს ცხოვრება.

დიდი ბრიტანელი ფილოსოფოსი წინამდებარე ესსეთი ხსნის "ქრისტიანის" ცნებას, ასევე იმას, თუ რატომ არ სწამს ღმერთი და უკვდავება, აკრიტიკებს ღმერთის არსებობის სხვადასხვა არგუმენტებს და ეჭვქვეშ აყენებს იესოს ისტორიულ არსებობას. ქართულ ენაზე ქვეყნდება პირველად.

კრებულში შესულია ქართველი პოეტისა და პუბლიცისტის, ტერენტი გრანელის ლიტერატურული წერილები, ნარკვევები და ამონარიდები პირადი დღიურიდან. ავტორი საინტერესოდ აფასებს მისი თანამედროვეების ვალერიან გაფრინდაშვილისა გალაკტიონის პოეზიას, ხშირად ახსენებს მეგობრებსა და ტრაფობის ობიექტებს. ამ ჩანახატებით კიდევ ერთელ ვრწმუნდებით ტერენტი გრანელის ნატიფ, თავმდაბალ, ბავშვურ და ჭეშმარიტად პოეტურ სულიერ სამყაროში.

"ივან ილიჩის სიკვდილი" 1882-86 წლებში იქმნებოდა. ნაწარმოებში მოთხრობილია სასამართლო მოხელის ტანჯვით აღსავსე სიკვდილის შესახებ. მოთხრობა საყოველთაოდ არის აღიარებული, როგორც მსოფლიო ლიტერატურის ერთ-ერთი შედევრი და ლევ ტოლსტოის უდიდესი ნაწარმოები მცირე პროზის ჟანრში.

გერმანელი ფილოსოფოსის ოთხნაწილიანი ფილოსოფიური ნოველა შექმნილია 1883-85 წწ.. უნიკალურ და ექსპერიმენტულ, "დითირამბულ" სტილში შექმნილი ნაწარმოები ეხება ისეთ მძაფრ ფილოსოფიურ და მორალურ თემებს, როგორიცაა "ერთი და იგივეს მარადი დაბრუნება", "ღმერთის სიკვდილი" და "ზეკაცის მოსვლა".

"დაკვირვებანი დანიელის წინასწარმეტყველებებზე" პირველი ნაწილია წიგნისა, რომელშიც ისააკ ნიუტონი ცდილობს გაერკვეს ქრისტიანული რელიგიის საწყისებში და ახსნა უპოვოს, ერთის მხრივ, იესოს მოვლენასა და მისგან გამომდინარე დამდგარ და სამომავლო შედეგებს, ხოლო, მეორეს მხრივ, გააანალიზოს ეკლესიის განვითარების გზა. თარგმანი ქართულ ენაზე სრულდება პირველად.

ალესანდრე ყაზბეგის უკანსკნელი მნიშვნელვანი ნაწარმოებიც, ჩვულებისამებრ, მთის ცხოვრებას აღწერს ლეგენდების, თქმულებებისა და ნამდვილი ამბების გამოყენებით. "მოძღვარი" პირველად დაიბეჭდა ჟურნალში "ივერია" 1885 წელს.

მე–20 საუკუნის დიდ ქართველ პოეტთა შორის ალბათ ტერენტი გრანელის შესახებ ყველაზე ცოტაა ნათქვამი და მისი შემოქმედებაც მწირად არის წარმოდგენილი. წინამდებარე კრებული პიტველი მცდელობაა მისი პოეზიის სრულად წარმოდგენისა ელექტრონულ ფორმატში. კრებულის მეორე ტომში შესულია პოეტის სამასამდე ლექსი.

არავის აღუწერია ბატონყმობის შემდგომი იმერეთის ყოფა ისეთი სევდანარევი იუმორით, უტყუარობითა და სისადავით, როგორც ეს დავით კლდიაშვილმა შეძლო. ქართული ლიტერატურის კლასიკოსის წინამდებარე კრებულში შესულია ყველასათვის საყვარელი მოთხრობები: "სოლომან მორბელაძე", "ბაკულას ღორები", "როსტომ მანველიძე" და სხვა.

ბატონყმობის გადავარდნის შემდეგ გურიის სოფლებში შექმნილი სოციალური ვითარება და მასთან დაკავშირებული სირთულეებია ასახული მწერლის შემოქმედებაში, რომელიც მხოლოდ 7 წლის განმავლობაში შეიქმნა.

ჭოლა ლომთათიძის პროზაში ოსტატურად ერწყმის ერთმანეთს ერთი შეხედვით ისეთი შორს მდგომი თემები, როგორიცაა სიყვარული და რევოლუცია, გულგატეხილობა და იმედი. მოთხრობათა უმეტესობა ციხის საკანშია შექმნილი.