წიგნები

წინამდებარე კრებულში შესულია ბესიკის მიერ შექმნილი სამივე პოემა: პატრიოტულ მოტივებზე შექმნილი "ასპინძისათვის" და "რუხის ბრძოლა", და სატირულ-იუმორისტული "რძალ-დედამთილიანი", რომლებიც მე-18 საუკუნის მეორე ნახევარს ეკუთვნის.

ამ ნაწარმოების სრული სახელწოდებაა "მოქცევა მირიან მეფისა და მის თანა ყოვლისა ქართლისა წმიდისა და ნეტარისა დედისა ჩუენისა ნინო მოციქულისა მიერ", რომელშიც მირიან მეფის მოქცევასთან ერთად მოთხრობილია ქართლში ნინო განმანათლებლის მიერ ქრისტიანობის გავრცელების ამბავი.  წარმოადგენს ქართლის ცხოვრების მე-2 წიგნს.

"In Homo" დიმიტრი უჩანეიშვილის პირველი რომანია, რომელიც 2012 წელს გამოიცა და მყისვე მიიქცია კრიტიკოსთა და ლიტერატურის დარგის სხვა პროფესიონალთა ყურადღება

ლირიკული, ისტორიული, დიდაქტიკური, ავტობიოგრაფიული, ფილოსოფიური, ჰიმნოგრაფიული - ყველა ეს მახასიათებელი დავით გურამიშვილის უკვდავი ქმნილების, "დავითიანის" დასახასიათებლად შეიძლება იქნას გამოყენებული.

კრებულში შესულია დიდი ილიას მიერ შექმნილი ორივე პიესა: "მაჭანკალი", აგებული "კაცია ადამიანის?!" მოტივებზე და "გლეხთა განთავისუფლების პირველ დროების სცენები", ამსახველი ბატონყმობისშემდგომი საქართველოს სოციალური ურთიერთობებისა.

ჩვენს დრომდე მოღწეული უძველესი ქართული ლიტერატურული ძეგლი, შექმნილი V საუკუნეში, რომელშიც მოთხრობილია ვარსქენ პიტიახშის ღალატი და სარწმუნებისთვის მისი მეუღლის წამება

ავტორის ერთადერთი დასრულებული ნაწარმოები, რომელიც მე-19 საუკუნის საქართველოს ბატონისა და ყმის ურთიერთობებს ასახავს სურამის ციხის შესახებ თქმულების ფონზე. ნაწარმოები რამდენჯერმეა ეკრანიზებული.

მიხეილ ჯავახიშვილის ერთ-ერთი ყველაზე მნიშვნელოვანი ნაწარმოები საქართველოს პირველი დამოუკიდებლობის პერიოდის სოციალური პრობლემების ასახვით, რომელსაც არაერთაზროვანი შეფასება ჰქონდა, როგორც გამოცემისას ასევე მას შემდეგ

"ცხოვრება ქართველთა მეფეთა" ან "მეფეთა ცხოვრება" (შემოკლებული სახელწოდების მიხედვით) წარმოადგენს ძველი ქართული საისტორიო თხზულებათა კრებულის, "ქართლის ცხოვრების", პირველ წიგნს, რომელიც გადმოგვცემს ქვეყნის ისტორიას უძველესი დროიდან IV საუკუნის ბოლომდე.

"ცხოველთა ფერმა" გახლავთ ჯორჯ ორუელის ალეგორიული და დისტოპიური რომანი (1945), რომელიც, ავტორის თანახმად, რუსეთის 1917 წლის რევოლუციის მოვლენებსა და სტალინის ერას ასახავს.

"ჰამლეტი" ანუ სრული სახელწოდებით "ტრაგედია დანიის უფლისწულ ჰამლეტისა" არის უილიამ შექსპირის ყველაზე პოპულარული და გავლენიანი პიესა, დაწერილი 1599 და 1602 წლებს შორის, რომელშიც დრამატიზებულად არის გადმოცემული დანიის უფლისწულის შურისძიება მისი ბიძის - კლაუდიუსის წინააღმდეგ, რომელმაც საკუთარი ძმა, ჰამლეტის მამა - მეფე ჰამლეტი მოაკვდინა ტახტზე ასასვლელად და ძმის ქვრივი, ჰამლეტის დედა - გერტრუდა შეირთო ცოლად.

დიდი ქართველი გენერლის მოგონებები მოიცავს პერიოდს 1917-დან 1925 წლამდე და გადმოგვცემს უშუალო მონაწილის შთაბეჭდილებებს საქართველოს დამოუკიდებლობის პირველი წლების შესახებ და მისეულ ხედვას გასაბჭოებამდე ქვეყნის მისვლისა

პირველად ქართულ ინტერნეტ-სივრცეში ელექტრონულად გამოიცემა ვაჟა-ფშაველას პოემების სრული კრებული ორ ტომად

"იულიანე განდგომილი. ღმერთების სიკვდილი" პირველი რომანია ტრილოგიისა "ქრისტე და ანქტიქრისტე", რომელიც 1895 წელს გამოქვეყნდა. რომანი ასახავს IV საუკუნის რომის იმპერატორის, ფლავიუს კლავდიუს იულიანეს ცხოვრებასა და მის მცდელობას აღადგინოს წარმართობა სულ უფრო პოპულარული ქრისტიანობის პირობებში. ავტორის სიცოცხლეშივე რომანი "გამორჩეული მხატვრული ძალის" ნაწარმოებად იქნა მონათლული.

კრებულში შესულია ავტორის ხალასი იუმორით გამსჭვალული ორი პიესა, არაერთხელ დადგმული სხვადასხვა თეატრების სცენაზე და ასევე არაერთხელ ეკრანიზებული: "რაც გინახავს, ვეღარ ნახავ" და "ხანუმა", შექმნილი მე-19 საუკუნის მე-2 ნახევარში.