წიგნები

ეს სქელტანიანი მოთხრობა 1890 წელს გამოქვეყნდა და მყისვე მეფის ხელისუფლების ცენზურას დაექვემდებარა. იგი, ერთის მხრივ, თავშეკავების იდეალს ქადაგებს, მეორეს მხრივ კი ეჭვიანობით გამოწვეულ რისხვას აღწერს. თანამედროვე კრიტიკოსთა შეფასება არაერთგვაროვანი იყო, უკიდურესად უარყოფითიდან უაღრესად პოზიტიურამდე.

"ალტონელი განდეგილები" სარტრის ერთ-ერთი უკანასკნელი პიესაა, რომელიც უშუალოდ ნაციზმს ეხება და აყალიბებს ავტორის შეხედულებებს ისეთ ფილოსოფიურ კატეგორიებზე, როგორიც არის თავისუფლება, უნივერსალური პასუხისმგებლობა, ბედისწერა და სხვა. პირველად დაიდგა 1959 წელს პარიზში.

ლაგერკვისტის ყველაზე ცნობილი მოთხრობა, რომელშიც რწმენის არარელიგიურობა, ურწმუნოს რწმენა, სიკვდილ-სიცოცხლის ბრძოლა, და ამასთან დაკავშირებული უამრავი კითხვა ქრისტეს ნაცვლად შენდობილი ბოროტმოქმედის, ბარაბას ცხოვრებისა და ტანჯვის ფონზეა შემოთავაზებული.

"ომის ფილოსოფია" დიმიტრი უზნაძის ერთ-ერთი ადრეული ნაშრომია, რომელშიც ავტორი ომის ფონზე სიკვდილისადმი ადამიანის დამოკიდებულებასა, და პიროვნებისა და ერის ამქვეყნიურ დანიშნულებას იკვლევს.

"თოვლიანი მხარე" იაპონური ლიტერატურის კლასიკად აღიარებული რომანია, რომელიც ბალეტის დილეტანტი ექსპერტისა და პროვინციელი გეიშას სიყვარულის ისტორიას აღწერს.

გალაკტიონ ტაბიძის ბოლოსწინა, მერვე ნომერში შესულია გალაკტიონის, გერცელ ბააზოვის, ირაკლი ყანჩელის და სხვათა ლექსები, გოეთეს თარგმანი ვარლამ დონდუასი, ვახრანგ გარრიკის ჩანახატი, წერილები, განცხადებები. გამოვიდა 1923 წლის 4 თებერვალს.

ღმერთი. სამართლიანია? თუ შურისმაძიებელი? კეთილია? უნდა გვიყვარდეს? ვენდობოდეთ თუ არა? არის ადამიანების გულშემატკივარი? საერთოდ არის? ეს მოთხრობა ამ კითხვებზე პასუხს არ იძლევა, მაგრამ მოგნუსხავთ პერსონაჟთა სახეებით, საოცარი გარემოთი და ამ კითხვებზე პასუხთა ძიების უაღრესად ექსპრესიული გზით.

"ნადიმი" ლუკიანე სამოსატელის ერთ-ერთი გამორჩეული დიალოგია, რომელშიც იგი ყველა ფილოსოფიურ მიმდინარეობასა თუ რიტორიკულ სკოლას აკრიტიკებს და, იმავდროულად, ისეთ მნიშვნელოვან საკითხებს წამოჭრის, როგორიც არის ადამიანის დანიშნულება და აღზრდა-განათლების მიზანი.

"გამოცდილება და განათლება" გახლავთ ჯონ დიუის მცირეტანიანი ნაშრომი, დაწერილი 1938 წელს, რომელშიც ავტორი ყურადღებას პროგრესული განათლების ისეთ ასპექტებზე ამახვილებს, როგორიც არის გამოცდილება, ექსპერიმენტი, მიზანმიმართული სწავლება, თავისუფლება და სხვა კონცეფციები.

"ადამიანის ხმა" - დიალოგ/მონოლოგი დაწერილია 1930 წელს. პიესა წარმოგვიდგენს ერთადერთ პერსონაჟს - ქალს ტელეფონის ყურმილით ხელში, რომელიც ყოფილ შეყვარებულს ესაუბრება. პირველად დაიდგა იმავე წელს კომედი ფრანსეზ სცენაზე.

"იმედგაცრუებული ადამიანის საუბარი თავის სულთან" - ეს არის რწმენადაკარგული კაცის ამბავი, რომელიც საიქიოში ეძებს სასუფეველს. წარმოადგენს ძველი ეგვიპტური ლიტერატურის პირველი გარდამავალი პერიოდის ძეგლს.

"მოსამართლე და მისი ჯალათი" საყოველთაოდ არის აღიარებული კრიმინალური მხატვრული ლიტერატურის კლასიკად, სადაც ერთმანეთს დეტექტიური ჟანრი და ეგზისტენციალური ფილოსოფიაა შერწყმული. პირველად გამოქვეყნდა 1950 წელს.

ფრიდრიხ ნიცშეს საპროგრამო ტექსტი, რომელში ჩამოყალიბებული იდეები მის მთელ შემოქმედებას თანამდევ ზოლად გასდევს. შექმნილი 1873 წელს.

"დიალოგები" გახლავთ ჯაკომო ლეოპარდის მიერ 1823-28 წლებში შექმნილი ზნეობრივი ხასიათის ნაშრომი, რომელიც ძირითადად სხვადასხვა სუბიექტებს შორის მცირე საუბრებისგან შედგება და ავტორის ფილოსოფიურ მსოფლმხედველობას აყალიბებს.

ქრისტიანობის მიერ ცივილიზაციის განვითარებაში შეტანილი წვლილი თავისუფალი ნების, სამართლიანობისა, და სულისა და უკვდავების დოქტრინათა განხილვის საფუძველზე. განკუთვნილია ამ საკითხებით დაინტერესებული ყველა მკითხველისთვის.

ლევ შესტოვის მთავარი ნაწარმოები, შერაცხული მის მანიფესტად, რომელიც აფორიზმული ფორმით აკრიტიკებს და სატირულ ჭრილში ხატავს ადამიანთა ფუნდამენტურ მიდგომას ცხოვრების მიმართ. წარმოადგენს ეგზისტენციალიზმის ერთ-ერთ ფუნდამენტურ ნაშრომს.